📌 Deputat o‘z saylov okrugidagi korxona faoliyati bilan tanishdi
Xalq deputatlari Bulung‘ur tuman Kengashi deputati Choriyeva Gavxar Saydullayevna o‘z saylov okrugiga qarashli G‘obdin mahallasida bo‘lib, “Samarqand Rishlant” MChJ faoliyati bilan yaqindan tanishdi.
Mazkur korxona hududi 11,5 gektarni tashkil etadi. Korxonada ayni paytda 30 nafar doimiy hamda 15 nafar mavsumiy ishchi faoliyat yuritmoqda. Ishchilarning mehnat stajlari YaMMT tizimida qayd etilgan bo‘lib, o‘rtacha oylik ish haqi 2,5 million so‘mdan 4 million so‘mgachani tashkil etadi.
G‘obdin MFY hududida, M-39 magistral yo‘li bo‘yida joylashgan ushbu korxonada bir kunda 30–35 ming donagacha pishgan g‘isht ishlab chiqarilmoqda.
Tashrif davomida deputat korxona faoliyati, ishchilar uchun yaratilgan sharoitlar hamda ishlab chiqarish jarayonlari bilan tanishib, tadbirkorlikni qo‘llab-quvvatlash va yangi ish o‘rinlarini yaratish masalalari yuzasidan fikr almashdi.

Xalq deputatlari Bulung'ur tuman Kengashi