9-may – Xotira va qadrlash kuni munosabati bilan Bo‘stonliq tumanidagi “Motamsaro ona” monumenti poyiga gul qo‘yish marosimi bo‘lib o‘tdi. Tadbir davomida yurtimiz tinchligi va osoyishtaligi yo‘lida jon fido qilgan insonlar xotirasi yod etildi.

🔵Tantanali marosimda xalq deputatlari Bo‘stonliq tumani Kengashi raisi O.Babayev, tuman hokimi – deputat J. Axmedov, Kengash deputatlari, davlat organlarining hududiy bo‘linma xodimlari, Afg‘on urushi faxriylari, jamoatchilik faollari hamda “mahalla yettiligi” a’zolari ishtirok etdilar.

🔵Tadbir davomida Ikkinchi jahon urushida jasorat ko‘rsatgan tumandoshlarimiz, g‘alabaga munosib hissa qo‘shgan mehnat fronti faxriylari hamda Vatan ravnaqi va mustaqilligi yo‘lida qurbon bo‘lgan ajdodlarimiz xotirasi ehtirom bilan yodga olinib, Qur’on tilovat qilindi.