Deputat so‘rovida keltirilishicha, hududlarga biriktirilgan "Yettilik" rahbar xodimlari tarkibida soliq xodimlari mavjud bo‘lishiga qaramasdan, mahalla fuqarolar yig‘inining eng yuqori organi — fuqarolar yig‘ini umumiy yig‘ilishi hisoblansa-da, taklif etilganiga qaramasdan, soliq xodimlari ushbu yig‘ilishlarda hamda deputat bilan uchrashuvlarda ishtirok etmayotganligi sababli ko‘tarilgan masalalar o‘z yechimi kutilayotgani aytilgan.

Vaholanki, mulkdorlar ijarachilar bilan shartnomalarni "ijara.soliq.uz" onlayn platformasi orqali rasmiylashtirishi va jismoniy shaxslar tomonidan mol-mulkni ijaraga berishdan olingan daromadlar

bo‘yicha tegishli soliqlarni budjetga to‘lashlari shart. Mahallalarga biriktirilgan soliq xodimlariga aynan shu holatlarni aniqlash, soliq bazasini kengaytirish, soliqlarni undirish va boshqa vazifalar 21.12.2023 yildagi "Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida"gi PF-209- sonli Prezident Farmonida hamda 2024 yilda O‘zbekiston Respublikasi Adliya vazirligi tomonidan tasdiqlangan "Mahalla yettiligi"dagi soliq inspektorining vazifalari, huquqlari va majburiyatlari haqidagi uslubiy qo‘llanmada yuklatilgan bo‘lsa-da, ko‘rsatilgan vazifalarga soliq xodimlari yetarlicha mas’uliyat bilan yondashmayotganligi keltirilgan.

Tuman soliq inspeksiya rahbaridan MFYlarda o‘tkazilayotgan yig‘ilishlarda soliq xodimlarining bevosita ishtirokini ta’minlash;

Fuqarolarning savollariga joyida javob berish va muammolarni bartaraf etishda faollik ko‘rsatish;

"Bek To‘pi" va "Al-Xorazmiy" MFYlarida uy-joyini ijaraga berayotgan hamda ijarada yashayotgan fuqarolarni aniqlash, ularning to‘liq ro‘yxatini shakllantirish, qonuniy shartnomalar tuzish va soliqlarni undirishga qaratilgan choralarni ko‘rishda amaliy yordam so‘ralgan.