Prezident
qarorlarining ijrosi – Jonajon xalqimiz roziligi kafolatidir 

🔷 O‘zbekiston Respublikasi
Prezidenti Sh.Mirziyoyevning 2023-yil
25-dekabrdagi “2024 – 2026 yillarda O‘zbekiston Respublikasining ijtimoiy va
ishlab chiqarish infratuzilmasini rivojlantirish chora-tadbirlari
to‘g‘risida”gi PQ-404-sonli qarori ijrosini ta’minlash bo‘yicha joriy yilning
mart oyida Xalq deputatlari Farg‘ona viloyat Kengashi raisi X.Bozarov tomonidan
“O‘zbekiston Respublikasi Prezidenti hujjatlari, Oliy Majlis palatalari va
Hukumat qarorlari, Oliy darajadagi tashriflar davomida erishilgan kelishuvlar
yuzasidan ishlab chiqilgan “yo‘l xaritalari”da Farg‘ona tumani
ijtimoiy-iqtisodiy rivojlantirish yuzasidan belgilangan chora-tadbirlarni
manzilli o‘rganish hamda samarali nazoratni amalga oshirish” yuzasidan
viloyatdagi barcha tuman va shaharlar uchun reja ishlab chiqilib, tasdiqlandi. 

🔷 Prezidentimizning mazkur qarori ijrosi bo‘yicha hozirgi kunda tumanning
Birdamlik MFY hududidagi 44-sonli umumta’lim maktabini mukammal ta’mirlash
bo‘yicha Loyiha smeta ishlari ekspertiziyadan o‘tkazilib, tender savdolari
orqali “Farg‘ona qurilish inves loyixa” MCHJ g‘olib deb topilib, ushbu
pudratchi tomonidan qurilish ishlari boshlanmoqda. 

🔷 Xalq deputatlari Farg‘ona tuman
Kengashi deputati Ozodaxon Dadajonova, Fayzullo Mirzayev, O‘zbekiston “Adolat”
SDP Farg‘ona tuman Kengashi raisi Nodirbek Karimovlar mahalla raisi Baxtiyor
Adxamov bilan birgalikda quruvchilar bilan uchrashib, hozirda ular tomonidan
amalga oshirilayotgan qurilish ishlari kelajagimiz bo‘lmish yoshlar uchun
Prezidentimiz, hukumatimiz tomonidan yaratilayotgan imkoniyatlardan biri
ekanligi va ushbu imkoniyatni munosib tarzda yoshlarimizga topshirish muhim
ekanligini aytib o‘tdilar.