Ta’lim tizimida korrupsiyaga qarshi kurash mavzusida davra suhbati o‘tkazildi 

Xalq deputatlari Oltiariq tuman Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi hamda tuman Adliya bo‘limi hamkorligida Maktabgacha va maktab ta’limi bo‘limida davra suhbati o‘tkazildi. Unda tuman Kengashi deputati O.Abdurahimov, tuman Adliya bo‘limi bosh maslahatchisi B.Muhammadaliyev, tuman Kengashi bosh mutaxassisi A.Jumayev hamda maktab direktorlari ishtirok etdilar. Tadbir davomida korrupsiyaning salbiy oqibatlari, uni keltirib chiqaruvchi omillar, ta’lim tizimida shaffoflik va qonun ustuvorligini ta’minlash masalalari muhokama qilindi. Shuningdek, ishtirokchilarga korrupsiyaga qarshi murosasiz munosabatni shakllantirish va xizmat vazifalarini halol bajarish yuzasidan tushunchalar berildi.