“Besh tashabbus paralimpiadasi” uchun mablag‘ ajratildi

Xalq deputatlari Qo‘shko‘pir tuman Kengashining VII chaqiriq 27-sessiyasida muhim qaror qabul qilindi. Unga ko‘ra, jismoniy imkoniyati cheklangan hamda nogironligi bo‘lgan 18 yosh va undan katta fuqarolar o‘rtasida o‘tkaziladigan “Besh tashabbus paralimpiadasi” ommaviy sport musobaqasining tuman bosqichi xarajatlarini qoplash uchun 100 mln so‘m mablag‘ ajratildi.

Mazkur mablag‘lar hokimlik huzuridagi “Infratuzilma va ijtimoiy barqarorlik” jamg‘armasi hisobidan yo‘naltiriladi.

Qaror O‘zbekiston Respublikasi Prezidentining 2025-yil 30-yanvardagi PF-17-sonli “Aholini ijtimoiy himoya qilish tizimini moliyalashtirish tartib-tamoyillarini takomillashtirish to‘g‘risida”gi Farmoniga muvofiq qabul qilindi. Mazkur Farmonga asosan, hokimliklar huzurida tashkil etilgan “Infratuzilma va ijtimoiy barqarorlik” jamg‘armasi mablag‘laridan foydalanish xalq deputatlari mahalliy Kengashlari qarorlari asosida amalga oshiriladi.