Xalq deputatlari Muzrabot tumani Kengashiga 13-Shabada saylov okrugidan saylangan deputat Muxammadiyeva Barchin Hazratqulovna va tuman Kengashi kotibiyati bosh mutaxassisi B.Xoliqovlar birgalikda fuqarolar murojaatlarini o‘rganish maqsadida, tumandagi “Yangidiyor” mahallasida aholi bilan muloqot qildi.

Uchrashuv davomida fuqarolar tomonidan qilingan turli sohalarga oid har xil masalalar bo‘yicha murojaatlari tinglandi. Jumladan, ijtimoiy himoya, mahalla infratuzilmasini yaxshilash, ichki yo‘llarni asfaltlash hamda ichimlik suvi tarmog‘ini o‘tkazish masalalarga amaliy yechim topish muhokama markazida bo‘ldi.

Mahallada fuqarolar qabulida “mahalla yettiligi” doirasida hal etiladigan masalalar bo‘yicha hamda aniqlangan kamchiliklarni bartaraf etish, mavjud muammolarni mahalliy ijro hokimiyati organlari bilan hamkorlikda joyida hal etish yuzasidan tegishli chora-tadbirlar belgilandi.

Shuningdek, tadbirkorlikni rivojlantirish istagida bo‘lgan fuqarolarga kredit olish va subsidiya ajratish tartiblari yuzasidan aniq tushuntirish va amaliy takliflar berildi.