Mazkur loyiha tasdiqlangan loyiha-smeta hujjatlariga muvofiq ikki bosqichda amalga oshirilmoqda.

 Birinchi bosqich doirasida avtomobil yo‘li bo‘ylab joylashgan 3 ta ko‘prik to‘liq qayta qurildi. Xususan, texnik holati zamon talablariga javob bermagan eski ko‘priklar to‘liq demontaj qilinib, ularning o‘rnida zamonaviy, mustahkam va barcha xavfsizlik me’yorlariga to‘liq javob beradigan yangi ko‘priklar barpo etildi. 

Hozirgi kunda loyihaning ikkinchi bosqichi boshlab yuborilgan bo‘lib, ushbu bosqichda avtomobil yo‘lining 3 kilometr qismida asfalt qoplamasi yotqizish ishlari amalga oshirilishi belgilangan. Ayni paytda belgilangan ish rejasi asosida asfalt yotqizish ishlari jadal sur’atlarda olib borilmoqda.