Депутат сайлов округида аҳоли билан очиқ мулоқот ўтказди

Халқ депутатлари Конимех тумани Кенгашига 15-Янгиқазғон сайлов округидан сайланган депутат Т. Джураев ўз сайлов округида аҳоли билан учрашув ўтказди.

Учрашув давомида фуқароларнинг кундалик ҳаётига дахлдор бўлган муҳим масалалар — ижтимоий соҳадаги муаммолар, инфратузилмани яхшилаш, коммунал хизматлар сифатини ошириш, бандлик ва тадбиркорликни қўллаб-қувватлаш каби йўналишларда фикр алмашилди.

Аҳоли томонидан билдирилган мурожаатлар ва таклифлар диққат билан тингланиб, уларни ҳал этиш юзасидан тегишли ташкилотлар билан ҳамкорликда амалий чоралар кўриш белгиланди. Шунингдек, айрим масалалар жойида ўрганилиб, тезкор ҳал этиш бўйича масъулларга топшириқлар берилди.

Депутат бундай очиқ мулоқотлар аҳоли дардини эшитиш, муаммоларга ечим топиш ва ҳудудни янада ривожлантиришда муҳим аҳамият касб этишини таъкидлади.