Yig‘ilishda tumanda o‘zgalar parvarishiga muhtoj bo‘lgan shaxslarga ijtimoiy xizmat va yordam ko‘rsatish borasida 2025-yilda amalga oshirilgan ishlar muhokama qilindi. Mazkur masala yuzasidan “Inson” ijtimoiy xizmatlar markazi tuman bo‘limi boshlig‘ining hisoboti tinglandi.

Hisobotda aholining ijtimoiy himoyaga muhtoj qatlamlarini qo‘llab-quvvatlash, ularga ko‘rsatilayotgan xizmatlar sifati va qamrovini kengaytirish borasida amalga oshirilgan ishlar, erishilgan natijalar hamda mavjud muammolar haqida batafsil ma’lumot berildi.

Deputatlar tomonidan taqdim etilgan hisobot atroflicha tahlil qilinib, amalga oshirilgan ishlarni yanada takomillashtirish, ijtimoiy xizmatlar samaradorligini oshirish va kelgusidagi ustuvor vazifalarni belgilash yuzasidan fikr-mulohaza va takliflar bildirildi.