🚰Ochiq va samimiy ruhda o‘tgan muloqotda mahalla faollari va fuqarolar hududdagi eng og‘riqli masala — ichimlik suvi bilan bog‘liq isrofgarchiliklarni o‘rtaga tashladilar. Mahallaning Qaldirg‘och ko‘chasida ishlamay turgan suv nasosining quvuri (trubasi) yorilib ketganligi sababli, toza ichimlik suvi behuda oqib yotgani hamda Gulshan ko‘chasida 3v va 5v-sonli ikki qavatli uylar oralig‘ida ham ichimlik suvi quvurlaridagi nosozlik tufayli suv isrof bo‘layotgani qattiq e’tirozlarga sabab bo‘layotganligi ta’kidlandi.

📝 Deputat T.Berdiyev tomonidan barcha murojaatlar alohida nazoratga olindi. Muammolarni zudlik bilan bartaraf etish yuzasidan tegishli mutasaddi tashkilotlarga deputatlik so‘rovlari yuboriladigan bo‘ldi.

📎 Xalq deputatlari Termiz shahar Kengashi deputatlari tomonidan saylovchilar bilan bevosita muloqot qilish va mahallalardagi holatni o‘rganish ishlari izchil davom ettiriladi.