Янгиқўрғон  тумани “Бунёдкор” маҳалла фуқаролар йиғинида халқ депутатлари Янгиқўрғон Кенгаши депутати Боймирзаев Улуғбек Мухаммадович ўз сайловчиларига учинчи чорак якунлари юзасидан ахборот берди.

Унда Янгиқўрғон туманидаги 3 та маҳалла фуқаролар йиғини раислари,  фаол фуқаролар иштирок этишди.

Депутат ўз ахборотида ўтган давр мобайнида аҳоли билан ўтказилган учрашувлар, фуқаролар манфаатларини ҳимоя қилиш мақсадида масъулларга юборилган депутат сўровлари, мурожаатларнинг ҳал этилиши юзасидан қилинган ишлар борасида батафсил сўзлаб ўтдилар.

Шундан сўнг, фуқаролар йиғинида истиқомат қилувчи фуқаролар маҳалла ҳудудида аҳоли фаровонлиги учун учраётган бир қанча муаммолар, ижтимоий ёрдам масаласида ўз мурожаатларини баён этишди.

Келиб тушган мурожаатлар асосида депутат масъуллар билан шу жойнинг ўзида боғланиб, мавжуд муаммоларни тез фурсатда бартараф этиш юзасидан тегишли тавсияларни бериб ўтди.