Yashil makon” doirasida deputatlar bog‘i tashkil etildi

Yurtimizda keng ko‘lamda davom etayotgan atrof-muhitni muhofaza qilish, yashil hududlar maydonini kengaytirish hamda aholiga qulay ekologik muhit yaratish bo‘yicha ezgu maqsadlarga hamohang tarzda, S.Ayniy mahallasida navbatdagi amaliy xayrli ishlar bajarildi

Xususan, Xalq deputatlari Boyovut tumani Kengashi deputatlari tashabbusi bilan mahalladagi avtomobil yo‘li bo‘ylab 120 ta manzarali va ko‘p yillik ko‘chatlar ekildi. Mazkur tashabbus nafaqat hududning ko‘rkini oshirish, balki chang-g‘ubor, shovqin hamda yozgi issiqlikdan himoya qilishda muhim omil bo‘lib xizmat qiladi.

Ko‘chat ekish jarayonida mahalla faollari, yoshlar va tashabbuskor aholining faol ishtiroki kuzatildi. Ularga ko‘chatlarga to‘g‘ri agrotexnik parvarish ko‘rsatish bo‘yicha tavsiyalar berildi, mavsumiy sug‘orish va kuzatib borish masʼuliyati ham belgilandi.

Bu kabi amaliy xayriya va ekologik tadbirlar kelgusida ham izchil davom ettirilishi, har bir hududni yanada obod, yashil va yashash uchun qulay maskanga aylantirishga xizmat qiladi.

Xalq deputatlari Boyovut tumani Kengashi kotibiyati