O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-sonli qarorining ijrosi yuzasidan Muzrabot tumani “Alpomish” MFY binosida hamda ushbu hududda joylashgan joylashgan 37-sonli maktabda xalq deputatlari Muzrabot tumani Kengashi deputatlari D.Sherboyev, L.Musayevlar tomonidan “mahalla yettiligi” va mahalla aholisi ishtirokida saylovchilar bilan uchrashuv yig‘ilishi o‘tkazildi. Dastlab yig‘ilishda deputatlar saylovchilarga mamlakatimizda amalga oshirilayotgan islohotlar, qabul qilingan farmon va qarorlar ijrosi borasida qilinayotgan ishlar xususida ma’lumot berdilar. Shundan son‘g o‘tgan davr mobaynida saylovchilar murojaati asosida joylardagi mavjud kamchilik va muammolar atroflicha o‘rganib chiqildi. Uchrashuv so‘nggida hududda mavjud muammolar, fuqarolar tomonidan berilgan murojaatlar yechimi yuzasidan rejalar tuzilib, bu bo‘yicha tegishli tashkilotlarga deputatlik so‘rovlari yuborilishi belgilab olindi.