Xalq deputatlari Chilonzor tumani Kengashi deputati Tashmuhammedova Muhabbat Baxtiyorovna Botirma mahallasida bo‘lib, mahalla xotin-qizlar faoli tomonidan amalga oshirilayotgan ishlar samaradorligini o‘rgandi.
O‘rganish davomida mahalladagi xotin-qizlarning muammolarini aniqlash va ularni hal etish, ijtimoiy himoyaga muhtoj ayollarni qo‘llab-quvvatlash, bandligini ta’minlash, kasb-hunarga yo‘naltirish hamda oilaviy masalalar bo‘yicha olib borilayotgan ishlar ko‘rib chiqildi.
Shuningdek, xotin-qizlar faoli tomonidan aholi bilan individual ishlash, muammoli oilalarni o‘rganish va ularni qo‘llab-quvvatlash borasidagi faoliyat samaradorligiga alohida e’tibor qaratildi.
Aniqlangan masalalar yuzasidan tegishli tavsiyalar berilib, xotin-qizlar bilan ishlash tizimini yanada takomillashtirish bo‘yicha vazifalar belgilab olindi.
Xotin-qizlarning huquq va manfaatlarini himoya qilish hamda ularni har tomonlama qo‘llab-quvvatlash — deputatlik nazoratida.