Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston Xalq demokratik partiyasidan saylangan deputat J.Sadirov va kotibiyat xodimi N.Kurganova tomonlaridan tumanning “Yoshlik” mahallasining Navqiron ko‘chasida amalga oshirilayotgan ichimlik suvi tarmog‘ini tortish ishlari mahalla raisi ishtirokida joyiga chiqqan holda ko‘zdan kechirildi.

🔺O‘rganish davomida ko‘chada jami 2 km uzunlikdagi ichimlik suvi tarmog‘ini tortish ishlari olib borilayotgani, belgilangan loyiha asosida suv quvurlarini yotqizish va tarmoqni xonadonlarga yetkazish bo‘yicha amaliy ishlar bajarilayotgani ma’lum bo‘ldi. O‘rganish jarayonida bajarilayotgan ishlarning sifatiga, quvurlarning belgilangan talablar asosida yotqizilishiga hamda qurilish-montaj ishlarining o‘z vaqtida va sifatli yakunlanishiga alohida e’tibor qaratildi.

🔺Mazkur ishlarning amalga oshirilishi natijasida fuqarolarning toza va sifatli ichimlik suviga bo‘lgan ehtiyoji ta’minlanishini inobatga olgan holda, mas’ullarga ishlarni belgilangan muddatlarda sifatli yakunlash, hududni obodonlashtirish va tarmoq ishga tushirilgandan so‘ng uning barqaror faoliyatini ta’minlash yuzasidan tegishli tavsiyalar berildi.