#_24_ta_masala
#_162_ta_qonun
#_deputat_faoliyati
Bolajonlar tabassumi — barchamizning eng ulug‘ maqsadimiz!

O‘zbekiston Respublikasining “Maktabgacha ta’lim va tarbiya to‘g‘risida”gi Qonuniga muvofiq, har bir bolaning sifatli ta’lim va tarbiya olishi, uning jismoniy, intellektual hamda ma’naviy jihatdan har taraflama kamol topishi uchun munosib shart-sharoitlar yaratish kafolatlangan.
Ushbu qonun talablarining ijrosini ta’minlash hamda bog‘chalarda yaratilgan imkoniyatlarni o‘rganish maqsadida Xalq deputatlari Sariosiyo tumani Kengashiga “23-Aeroport” saylov okrugidan saylangan deputati N.Chorshanbiyeva hamda tuman Kengashiga “3-Charag‘on” saylov okrugidan saylangan deputat M.Zaripova тuman Kengashi kotibiyati bosh mutaxassisi A.Nasriddinovlar tumandagi maktabgacha ta’lim tashkilotlariga tashrif buyurishdi.
O‘rganish va monitoring jarayonida quyidagilargа e'tibor qaratildi:
Ta’lim-tarbiya sifati va metodika:
Qonunchilikda belgilangan davlat standartlariga mos ravishda tarbiyalanuvchilarning bilim va ko‘nikmalarini shakllantirish, mashg‘ulotlarning interaktiv va qiziqarli tashkil etilishi hamda pedagog xodimlarning mahorati atroflicha ko‘rib chiqildi.
Sog‘lom va xavfsiz ovqatlantirish:
Bolalarning salomatligini muhofaza qilish — ustuvor vazifa! Shu bois, muassasadagi kunlik taomlar ratsioni, oziq-ovqat mahsulotlarining sifati, saqlanish sharoitlari va sanitariya-gigiyena me’yorlariga rioya etilishi holati sinchiklab tekshirildi.
Moddiy-texnik baza va xavfsizlik:
Guruh xonalari, yotoqxonalarning shinamligi, o‘yinchoq va o‘quv qurollarining yetarliligi, oshxona hamda bog‘cha hududidagi obodonlashtirish va xavfsizlik choralari ko‘zdan kechirildi.
Tashrif davomida bolajonlarning Quvonchli chehralari va yaratilgan sharoitlardan mamnunligi mamlakatimizda ta’lim sohasida olib borilayotgan islohotlarning amaliy samarasini ko‘rsatib berdi. Deputatlar tomonidan muassasalar rahbariyatiga ta’lim sifatini yanada oshirish, ovqatlanish ratsioni nazoratini doimiy ushlab turish va tarbiya jarayoniga zamonaviy innovatsion texnologiyalarni kengroq joriy etish yuzasidan aniq tavsiyalar berildi.