📋 Qonun ijrosi deputatlik nazorati doirasida o‘rganildi

👥 Xalq deputatlari Sherobod tumani Kengashining 16-Katta hayot–Do‘stlik saylov okrugi deputati T. Mirzayev hamda Kengash kotibiyati bosh mutaxassisi S. Safarov tomonidan deputatlik nazorati tadbirlari doirasida o‘rganish ishlari olib borildi.

📍 Jumladan, Respublika Ma’naviyat va ma’rifat markazining Sherobod tuman bo‘linmasida O‘zbekiston Respublikasining “Madaniy meros obyektlarini muhofaza qilish va ulardan foydalanish to‘g‘risida”gi O‘RQ–269-II-son Qonuni talablarining bajarilishi holati savolnoma asosida o‘rganildi.

🔎 O‘rganish davomida tashkilotda mazkur qonun talablaridan kelib chiqib amalga oshirilayotgan ishlar, madaniy merosni asrab-avaylash, uni yosh avlodga yetkazish, bu boradagi targ‘ibot-tashviqot tadbirlarini tashkil etish hamda belgilangan vazifalarning ijrosi yuzasidan ma’lumotlar tahlil qilindi.

💬 Shuningdek, o‘rganish jarayonida mavjud holat, amalga oshirilayotgan ishlar va kelgusida e’tibor qaratilishi lozim bo‘lgan yo‘nalishlar yuzasidan fikr almashildi. Aniqlangan masalalar bo‘yicha tegishli tavsiya va takliflar bildirildi.

🤝 Deputatlik nazoratining asosiy maqsadi — qonunlarning hududlarda ijrosini ta’minlash, tashkilotlar faoliyatida samaradorlikni oshirish hamda belgilangan vazifalarning o‘z vaqtida va sifatli bajarilishiga ko‘maklashishdan iborat.