Xalıq deputatları Bozataw rayonlıq Keńesiniń Korrupciyaǵa qarsı gúresiw, sociallıq taraw, jaslar siyasatı, mádeniyat hám sport máseleleri boyınsha turaqlı komissiyasınıń májilisi bolıp ótti.

Májiliste kún tártibine Bozataw rayonında nuranıylardı hár tárepleme qollap-quwatlaw, olarǵa mámlekettiń jámiyetlik-siyasiy turmısında belsene qatnasıwı ushın zárúr sharayatlar jaratıw boyınsha alıp barılıp atırǵan jumıslar boyınsha "Nuranıy" qorı Bozataw rayonlıq bólimi baslıǵınıń esabatın tıńlandı.

Májiliste "Nuranıy" qorı Bozataw rayonlıq bólimi baslıǵınıń rayonda nuranıylardı hár tárepleme qollap-quwatlaw, olar ushın qolay sharayatlar jaratıw hám olardı mámleket hám jámiyetlik-siyasiy turmısqa keńnen tartıw hám ulıwma xalıq arasında kekselerge qaratılǵan sociallıq qollap-quwatlaw ilajları, olardıń turmıs sharayatların jaqsılaw, den-sawlıǵın saqlaw, ruwxıy-mádeniy ilajlarǵa tartıw hám jas áwladtı ulıwmainsanıylıq qádiriyatlar ruwxında tárbiyalaw baǵdarında ámelge asırılǵan jumıslar haqqında maǵlıwmat berildi.

Esabat boyınsha deputatlar tárepinen pikir-almasıwlar bolıp, jumıslardı jáne de jetilistiriwge qaratılǵan usınıslar bildirildi. Kórilip shıqqan máseleler boyınsha tiyisli usınıslar islep shıǵılıp, komissiyanıń tiyisli qararı qabıl etildi.