Yig‘ilishda . O‘zbekiston Respublikasi Prezidentining “Davlat organlari va tashkilotlarda ijro intizomini yanada mustahkamlashning qo‘shimcha chora-tadbirlari to‘g‘risida” 2025-yil 25-iyuldagi PF-117-sonli Farmoni ijrosini ta’minlash maqsadida Termiz shahar hokimligi tomonidan 2026-yil I yarim yili davomida qonunlar, Prezidentining farmon, qaror va farmoyishlarida belgilangan topshiriqlar ijrosi yuzasidan Termiz shahar hokimligi   Ijro apparati rahbari K.Xolmatovning axboroti tinglandi.

O‘tgan davr mobaynidagi asosiy ko‘rsatkichlar:
Termiz shahar hokimligiga 7 039 ta xizmat hujjati kelib tushgan.
Shundan:
• 6 716 tasi belgilangan muddatlarda ijro etilgan;
• 323 tasi muddatidan kech bajarilgan;
• 4 ta topshiriq bajarilmagan;
• 2 ta topshiriq sifatsiz bajarilgani sababli qayta nazoratga olingan.

Ijro intizomini buzgan mansabdor shaxslarga nisbatan tegishli choralar ko‘rilib:
• 2 nafar hokim o‘rinbosari;
• 1 nafar bosh mutaxassisga "hayfsan" intizomiy jazosi qo‘llanilgan.

Fuqarolar murojaatlari bilan ishlash holati ham alohida tahlil qilinib:
• hokimlikka 1 521 ta murojaat kelib tushgan;
• ularda 1 539 ta masala ko‘tarilgan;
• 1 450 ta murojaat o‘z vaqtida ko‘rib chiqilgan;
• 70 ta murojaat ijro jarayonida;
• 2 ta murojaat sifatsiz yopilgani sababli qayta nazoratga olingan.

"Aqlli shahar" axborot tizimi orqali:
• 137 ta kommunal yo‘nalishdagi murojaat kelib tushgan;
• ularning barchasi belgilangan muddatlarda bartaraf etilgan;
• 25 ta murojaat bo‘yicha amaliy ishlar davom etmoqda.

"Xalq nazorati" platformasi orqali esa jami 347 ta murojaat kelib tushgan. Jumladan:
Suv ta’minoti – 24 ta, elektr ta’minoti – 76 ta, chiqindilar – 49 ta, yo‘llarni ta’mirlash – 67 ta, boshqa masalalar – 131 ta.

Muhokamalar davomida deputatlar tomonidan ijro intizomini yanada kuchaytirish, topshiriqlar ijrosini qat’iy nazorat qilish, fuqarolar murojaatlarini sifatli ko‘rib chiqish hamda davlat organlari faoliyatida ochiqlik va mas’uliyatni oshirish yuzasidan taklif va tavsiyalar bildirildi.

Yakunda kun tartibidagi masalalar yuzasidan tayyorlangan qaror loyihalari doimiy komissiyalar tomonidan ma’qullanib, ularni ko‘rib chiqish va yakuniy qaror qabul qilish uchun Xalq deputatlari Termiz shahar Kengashining navbatdagi sessiyasi kun tartibiga kiritish to‘g‘risida tegishli qaror qabul qilindi.