Xalq deputatlari Uchquduq tuman Kengashining 2-"Shalxar" saylov okrugi deputati K.Narchayev, kotibiyat mudiri M.Kamolova hamda tegishli mutasaddi tashkilotlar vakillari ishtirokida fuqarolar bilan ochiq muloqot tashkil etildi.

💬Muloqot davomida fuqarolar tomonidan asosan ekologik masalalar yuzasidan murojaatlar bildirildi. Xususan, hududlar sanitariya holatini yaxshilash, maishiy chiqindilarni o‘z vaqtida olib chiqish, atrof-muhitni muhofaza qilish, ko‘kalamzorlashtirish ishlarini kengaytirish hamda ekologik madaniyatni yuksaltirish bo‘yicha taklif va mulohazalar tinglandi.

📝 Har bir murojaat tegishli mas’ullar ishtirokida atroflicha ko‘rib chiqilib, ularni hal etish yuzasidan zarur chora-tadbirlar belgilandi. Qo‘shimcha o‘rganishni talab etadigan masalalar nazoratga olinib, ijrosi yuzasidan mas’ullarga tegishli topshiriqlar berildi.

🌱Atrof-muhitni asrash, ekologik muammolarni bartaraf etish va fuqarolar uchun qulay hamda sog‘lom yashash muhitini yaratish yo‘lidagi bunday ochiq muloqotlar kelgusida ham izchil davom ettiriladi.