Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari Andijon viloyati Kengashi kotibiyati mudiri N.Toychiyeva xizmat safari doirasida Ulug‘nor tumanida amalga oshirilayotgan infratuzilma loyihalari bilan tanishdi.

Mingchinor mahallasida barpo etilayotgan briket ko‘mir ishlab chiqarish korxonasida amalga oshirilayotgan ishlar o‘rganildi

Xalq deputatlari Andijon viloyati Kengashi kotibiyati mudiri N.Toychieva Ulug‘nor tumani Mingchinor mahallasi hududida barpo etilayotgan angar uslubidagi tikuvchilik korxonasi qurilish ishlari ko‘zdan kechirdi. Mazkur loyiha mahallada sanoat infratuzilmasini rivojlantirish, aholi, ayniqsa xotin-qizlar va yoshlar uchun yangi ish o‘rinlari yaratish, shuningdek, mahalliy ishlab chiqarish hajmini oshirishga xizmat qilishi bilan ahamiyatlidir.

Xalq deputatlari tuman Kengashi deputati O‘.Axmedov Fayziobod mahallasida aholi uchun yaratilgan infratuzilma obyektlarining holatini o‘rgandi. Tashrif davomida deputat mahallada yaqinda qurib bitkazilgan piyodalar yo‘lakchasini ko‘zdan kechirib, unda bajarilgan qurilish ishlarining sifati, qurilish me’yorlariga muvofiqligi hamda aholi uchun yaratilgan qulayliklar bilan tanishdi.

Xalq deputatlari viloyat Kengashi kotibiyati mudiri N.Toychiyeva Ulug‘nor tumaniga tashrif buyurib, Kengash faoliyatining ustuvor yo‘nalishlari hamda doimiy komissiyalar ishini tashkil etish masalalari bilan yaqindan tanishdi.

Xalq deputatlari tuman Kengashining korrupsiyaga qarshi kurashish va xavfsizlik masalalari bo‘yicha doimiy komissiyasining navbatdagi yig‘ilishi o‘tkazildi.

Xalq deputatlari tuman Kengashi deputati To‘rttol mahallasi aholisi bilan ochiq muloqot o‘tkazdi

Xalq deputatlari tuman Kengashi deputati U. Achilov To‘rttol mahallasida yo‘l harakati xavfsizligini ta’minlash hamda yo‘l-transport hodisalarining oldini olish maqsadida tezlikni o‘lchovchi avtomatlashtirilgan kamera o‘rnatish masalasini joyiga chiqqan holda o‘rgandi.

Deputat so'rovi yuborildi

Xalq deputatlari tuman Kengashi deputati U.Achilov o‘zining 18-To‘rttol saylov okrugi hududida joylashgan To‘rttol mahallasida aholi farovonligini ta’minlash, hududning sanitariya holatini yaxshilash hamda obodonlashtirish ishlarini yanada kuchaytirish maqsadida targ‘ibot tadbirini amalga oshirdi.

Huquqiy ma'lumot

#162_ta_qonun

OʻZBEKISTON RESPUBLIKASINING QONUNI

QISHLOQ XOʻJALIGIGA MOʻLJALLANMAGAN YER UCHASTKALARINI XUSUSIYLASHTIRISH TOʻGʻRISIDA

Oʻzbekiston Respublikasining “Qishloq xoʻjaligiga moʻljallanmagan yer uchastkalarini xususiylashtirish toʻgʻrisida”gi Qonuni mamlakatimizda yer munosabatlarini tartibga solish, xususiy mulk huquqlarini mustahkamlash hamda yer resurslaridan samarali va shaffof foydalanishni ta’minlashga qaratilgan muhim huquqiy hujjat hisoblanadi.

Ushbu Qonunga ko‘ra, qishloq xo‘jaligiga mo‘ljallanmagan yer uchastkalarini xususiylashtirish qonuniylik, ixtiyoriylik, haq to‘lash, xususiylashtiriladigan yer uchastkalari va ulardagi ko‘chmas mulk obyektlarining yaxlitligi, shuningdek ochiqlik va shaffoflik prinsiplari asosida amalga oshiriladi. Bu esa jarayonning adolatli va barqaror kechishini ta’minlaydi.

Qonunda xususiylashtirish obyektlari, ya’ni yuridik va jismoniy shaxslarga ajratilgan yer uchastkalari, davlat ko‘chmas mulk obyektlari joylashgan hududlar hamda bo‘sh turgan yer uchastkalari aniq belgilab qo‘yilgan. Shu bilan birga, ayrim toifadagi yer uchastkalari (tabiatni muhofaza qilish hududlari, umumiy foydalanishdagi yerlar, maxsus iqtisodiy zonalar va boshqalar) xususiylashtirilishi mumkin emasligi ham mustahkamlangan.

Qonunga muvofiq, yer uchastkalarini xususiylashtirish ikki asosiy shaklda amalga oshiriladi: mavjud huquqlar asosida sotib olish hamda elektron onlayn-auksionlar orqali xarid qilish. Jarayon Davlat xizmatlari markazlari yoki Yagona interaktiv davlat xizmatlari portali orqali amalga oshirilishi belgilangan.

Shuningdek, Qonunda yer uchastkalarining sotib olish qiymatini aniqlash va to‘lash tartibi, davlat organlarining vakolatlari, xususiylashtirishdan tushadigan mablag‘larning yo‘naltirilishi, hamda mulkdorlarning huquq va majburiyatlari batafsil tartibga solingan.

Mazkur Qonun mamlakatimizda yer islohotlarini chuqurlashtirish, investitsion muhitni yaxshilash, tadbirkorlikni rivojlantirish hamda fuqarolarning mulk huquqlarini kafolatlashda muhim huquqiy asos bo‘lib xizmat qiladi.

Slide 1 of 1