Murojaat e’tiborda: Muammolar joyida o‘rganilmoqda
​Xalq bilan muloqot qilish, ularning dardu tashvishlarini tinglash va muammolariga yechim topish bugungi kunda davlat siyosatining ustuvor yo‘nalishlaridan biri hisoblanadi.
​Navbatdagi o‘rganish ishlari Toyloq tumani “Talliota” mahallasida bo‘lib o‘tdi. Mahalla fuqarolaridan biri tomonidan Xalq deputatlari tuman Kengashiga qabriston hududini obodonlashtirish bo‘yicha murojaat yo‘llangan edi.
​Qabriston yonidagi ariqni betonlashtirish;
​Qabristonga olib boruvchi yo‘lni shag‘allashtirish.
​Mazkur masala yuzasidan Xalq deputatlari Toyloq tumani Kengashi raisi D.Ulug‘boyeva hamda Kengash kotibiyati mudiri B.Xamrayev joyiga chiqqan holda o‘rgandilar. O‘rganish jarayonida mahalla faollari va nuroniylar ham ishtirok etib, o‘z fikr-mulohazalarini bildirishdi.
​Muhokama davomida masalaning yechimi yuzasidan aniq choralar belgilab olindi. Mas'ul tashkilotlar bilan hamkorlikda ariqni betonlashtirish va yo‘lni tartibga keltirish ishlari nazoratga olindi.

Bizni kuzatib boring: 👇
|📲 Telegram | 💻Facebook