Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Xalq deputatlari tuman Kengashi kotibiyati bosh mutaxassisi G.Abduvositova hamda xalq deputatlari tuman Kengashi deputatlari U.Achilovlar tomonidan aholining qo‘shimcha daromad manbalarini o‘rganish, tomorqadan samarali foydalanish hamda oilaviy tadbirkorlikni qo‘llab-quvvatlash maqsadida o‘rganish ishlari olib borildi.

Xalq deputatlari tuman Kengashi deputati B.Avliyoqulov tomonidan Mingbuloq mahallasida aholi uchun qulay va xavfsiz infratuzilmani shakllantirish maqsadida amalga oshirilgan obodonlashtirish ishlari joyiga chiqqan holda o‘rganildi.

Xalq deputatlari viloyat Kengashi deputati G. Bobojonova hamda tuman Kengashi deputati U. Achilovlar To‘rttol mahalla fuqarolar yig‘iniga tashrif buyurib, mahallada amalga oshirilayotgan ishlar hamda “mahalla yettiligi” faoliyati bilan yaqindan tanishdi.

Xalq deputatlari viloyat Kengashi deputati G.Bobojonova hamda tuman Kengashi deputati U.Achilovlar To‘rttol mahallasida bo‘lib, aholi bilan uyma-uy yurish orqali ochiq muloqotlar o‘tkazdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasi hududida qurilishi rejalashtirilgan briket ko‘mir ishlab chiqarish korxonasi uchun ajratilgan yer maydonida bo‘lib, loyihaning amalga oshirilish jarayonlari bilan tanishdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasidagi 17-maktabgacha ta’lim tashkilotida bo‘lib, muassasaning faoliyati, tarbiya-o‘quv jarayoni va bolajonlar uchun yaratilgan shart-sharoitlar bilan yaqindan tanishdilar.

Xalq deputatlari tuman Kengashi deputati N.Nishonov 5-umumta’lim maktabida bo‘lib, ta’lim muassasasida olib borilayotgan ta’mirlash ishlari hamda “Dolzarb 90 kunlik” dasturi doirasida amalga oshirilayotgan tadbirlar bilan yaqindan tanishdi.

Xalq deputatlari tuman Kengashi deputati D.Alimov o‘z saylov okrugida aholini uzluksiz va sifatli elektr energiyasi bilan ta’minlash maqsadida amalga oshirilayotgan elektr tarmoqlarini modernizatsiya qilish ishlari bilan yaqindan tanishdi.

Deputatlik so‘rovi ijrosi: murojaat qilingan masala ijrosini ta’minlash nazoratga olindi

Fuqarolar murojaatlari va ijtimoiy soha obyektlarida mavjud muammolarni hal etishda deputatlik nazorati muhim o‘rin tutadi.
Xalq deputatlari Muzrabot tumani Kengashi deputati O.Ollomurodov tomonidan ko‘tarilgan masala yuzasidan amaliy ishlar boshlandi.

“Shaffof” mahallasi hududida joylashgan Muzrabot xizmat ko‘rsatish texnikumi jamoasi tomonidan yashil hududlarni sug‘orish uchun qo‘shimcha suv ta’minotini yo‘lga qo‘yish bo‘yicha murojaat qilingan edi. Murojaatda texnikum hududiga suv yetkazib berish maqsadida “Turon” ko‘chasi bo‘ylab ariq qazishda amaliy yordam so‘ralgan.

Yashil hududlarni muntazam sug‘orish uchun qo‘shimcha suv ta’minotiga ehtiyoj mavjudligi aniqlanib, “Shaffof” mahallasi “Turon” ko‘chasi bo‘ylab, “Azizbek” to‘yxonasi yonidan texnikum hududigacha suv yetkazish imkoniyatlari mutasaddi tashkilotlar ishtirokida joyida o‘rganildi.

O‘rganishlar natijasida texnikumning yashil maydonlarini suv bilan ta’minlash imkoniyati mavjudligi belgilanib, ariq qazish ishlarini tashkil etish bo‘yicha tegishli tashkilotlarga amaliy choralar ko‘rish vazifasi yuklatildi.

Hozirgi kunda mazkur masalani amaldagi qonunchilik talablari va texnik imkoniyatlardan kelib chiqqan holda bosqichma-bosqich hal etish ishlari olib borilmoqda. Ariq qazish va suv oqimini tashkil etish bilan bog‘liq ishlar belgilangan tartibda amalga oshirilishi ta’minlanadi.

Slide 1 of 1