Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi deputati G‘.Mirzayev o‘zi saylangan hududdagi Guliston mahalla fuqarolar yig‘inida bo‘lib, hududdagi ijtimoiy himoyaga muhtoj, kam ta’minlangan hamda bemorligi bor oilalar holidan xabar oldi. Mazkur tashrif davomida deputat xonadon egalari bilan samimiy suhbat qurib, ularning kundalik turmush tarzi, yashash sharoitlari va ularni qiynayotgan muammolarni yaqindan o‘rgandi. Xalq vakili tomonidan mazkur oilalarga kundalik ehtiyoj uchun zarur bo‘lgan oziq-ovqat mahsulotlari to‘plami topshirildi.

Xalq deputatlari viloyat Kengashi deputati G.Bobojonova hamda Xalq deputatlari Ulug‘nor tuman Kengashi deputati U.Achilovlar Katta Andijon kanali ustida barpo etilgan, Ulug‘nor va Baliqchi tumanlarini o‘zaro bog‘lovchi yangi ko‘prikda bo‘lib, uning bugungi faoliyati va aholi uchun yaratilgan qulayliklar bilan yaqindan tanishdilar.

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Xalq deputatlari tuman Kengashi kotibiyati bosh mutaxassisi G.Abduvositova hamda xalq deputatlari tuman Kengashi deputatlari U.Achilovlar tomonidan aholining qo‘shimcha daromad manbalarini o‘rganish, tomorqadan samarali foydalanish hamda oilaviy tadbirkorlikni qo‘llab-quvvatlash maqsadida o‘rganish ishlari olib borildi.

Xalq deputatlari tuman Kengashi deputati B.Avliyoqulov tomonidan Mingbuloq mahallasida aholi uchun qulay va xavfsiz infratuzilmani shakllantirish maqsadida amalga oshirilgan obodonlashtirish ishlari joyiga chiqqan holda o‘rganildi.

Xalq deputatlari viloyat Kengashi deputati G. Bobojonova hamda tuman Kengashi deputati U. Achilovlar To‘rttol mahalla fuqarolar yig‘iniga tashrif buyurib, mahallada amalga oshirilayotgan ishlar hamda “mahalla yettiligi” faoliyati bilan yaqindan tanishdi.

Xalq deputatlari viloyat Kengashi deputati G.Bobojonova hamda tuman Kengashi deputati U.Achilovlar To‘rttol mahallasida bo‘lib, aholi bilan uyma-uy yurish orqali ochiq muloqotlar o‘tkazdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasi hududida qurilishi rejalashtirilgan briket ko‘mir ishlab chiqarish korxonasi uchun ajratilgan yer maydonida bo‘lib, loyihaning amalga oshirilish jarayonlari bilan tanishdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasidagi 17-maktabgacha ta’lim tashkilotida bo‘lib, muassasaning faoliyati, tarbiya-o‘quv jarayoni va bolajonlar uchun yaratilgan shart-sharoitlar bilan yaqindan tanishdilar.

Yoshlar tashabbusi deputat va Yoshlar maslahat guruhi e’tiborida

#deputatlar_nazorati #poytaxtdeputatlari #deputatlik_faoliyati

❗️Yoshlar tashabbusi deputat va Yoshlar maslahat guruhi e’tiborida

📍 Xalq deputatlari Olmazor tumani Kengashi huzuridagi Yoshlar maslahat guruhi a’zolari bilan o‘tkazilgan ochiq muloqotda yoshlar tomonidan ko‘tarilgan dolzarb masalalardan biri amaliy o‘rganildi.

📝 Mazkur murojaat yuzasidan Xalq deputatlari Toshkent shahar Kengashi deputati Frangiza Akramova hamda Xalq deputatlari Toshkent shahar Kengashi huzuridagi Yoshlar maslahat guruhi rahbari Sarvar Irgashev Olmazor tumanidagi “Guruchariq” mahallasida bo‘lib, hududdagi mavjud sharoitlarni joyiga chiqib o‘rgandilar.

🔎 O‘rganish davomida mahalla hududida mavjud bo‘sh yer maydonidan samarali foydalanish, uni bolalar va yoshlar uchun zamonaviy sport maydonchasi yoki futbol maydoniga aylantirish masalasi muhokama qilindi. Ta’kidlanishicha, mazkur mahalla hamda unga tutash hududlarda istiqomat qilayotgan yoshlar uchun futbol maydonchasi mavjud emasligi sababli ularning bo‘sh vaqtini mazmunli tashkil etish imkoniyatlari cheklangan.

📝 Hududni ko‘zdan kechirish jarayonida mazkur bo‘sh maydonni deputatga ajratilgan mablag‘lar hisobidan bolalar sport maydonchasiga aylantirish imkoniyatlari atroflicha ko‘rib chiqildi. Shuningdek, loyiha yuzasidan zarur texnik va huquqiy ma’lumotlar to‘planib, mahalla raisi bilan birgalikda ushbu tashabbusni qonuniy asosda amalga oshirish bo‘yicha kelishuvga erishildi.

🤝 Qayd etilganidek, mazkur loyiha yoshlarning sport bilan muntazam shug‘ullanishi, bo‘sh vaqtini mazmunli o‘tkazishi, sog‘lom turmush tarzini qaror toptirish hamda mahallada sport infratuzilmasini rivojlantirishga xizmat qiladi.

✅ O‘rganish yakunida masalani belgilangan tartibda hal etish, tegishli hujjatlarni rasmiylashtirish hamda sport maydonchasini barpo etish bo‘yicha amaliy ishlarni boshlash yuzasidan kelishib olindi.

📱 Telegram 📱 Instagram 📱 Facebook 📱 YouTube 🔎 E-kengash

Slide 1 of 4