Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Xalq deputatlari tuman Kengashi kotibiyati bosh mutaxassisi G.Abduvositova hamda xalq deputatlari tuman Kengashi deputatlari U.Achilovlar tomonidan aholining qo‘shimcha daromad manbalarini o‘rganish, tomorqadan samarali foydalanish hamda oilaviy tadbirkorlikni qo‘llab-quvvatlash maqsadida o‘rganish ishlari olib borildi.

Xalq deputatlari tuman Kengashi deputati B.Avliyoqulov tomonidan Mingbuloq mahallasida aholi uchun qulay va xavfsiz infratuzilmani shakllantirish maqsadida amalga oshirilgan obodonlashtirish ishlari joyiga chiqqan holda o‘rganildi.

Xalq deputatlari viloyat Kengashi deputati G. Bobojonova hamda tuman Kengashi deputati U. Achilovlar To‘rttol mahalla fuqarolar yig‘iniga tashrif buyurib, mahallada amalga oshirilayotgan ishlar hamda “mahalla yettiligi” faoliyati bilan yaqindan tanishdi.

Xalq deputatlari viloyat Kengashi deputati G.Bobojonova hamda tuman Kengashi deputati U.Achilovlar To‘rttol mahallasida bo‘lib, aholi bilan uyma-uy yurish orqali ochiq muloqotlar o‘tkazdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasi hududida qurilishi rejalashtirilgan briket ko‘mir ishlab chiqarish korxonasi uchun ajratilgan yer maydonida bo‘lib, loyihaning amalga oshirilish jarayonlari bilan tanishdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasidagi 17-maktabgacha ta’lim tashkilotida bo‘lib, muassasaning faoliyati, tarbiya-o‘quv jarayoni va bolajonlar uchun yaratilgan shart-sharoitlar bilan yaqindan tanishdilar.

Xalq deputatlari tuman Kengashi deputati N.Nishonov 5-umumta’lim maktabida bo‘lib, ta’lim muassasasida olib borilayotgan ta’mirlash ishlari hamda “Dolzarb 90 kunlik” dasturi doirasida amalga oshirilayotgan tadbirlar bilan yaqindan tanishdi.

Xalq deputatlari tuman Kengashi deputati D.Alimov o‘z saylov okrugida aholini uzluksiz va sifatli elektr energiyasi bilan ta’minlash maqsadida amalga oshirilayotgan elektr tarmoqlarini modernizatsiya qilish ishlari bilan yaqindan tanishdi.

Ichki yoʻllar holati va harakat xavfsizligi yuzasidan nazorat tadbirlari oʻtkazildi

Xalq deputatlari Vobkent tumani Kengashining Korrupsiyaga qarshi kurashish va xavfsizlik masalalari boʻyicha doimiy komissiyasi aʼzosi M.Halimov, tuman Kengashi kotibiyati bosh mutaxassisi Sh.Ismatov hamda tuman ichki ishlar boʻlimi va tuman yoʻllardan foydalanish korxonasi vakillari bilan birgalikda mahallalardagi yoʻl infratuzilmasi va harakat xavfsizligi holatini oʻrganish maqsadida nazorat tadbirlarini amalga oshirdi.

🔍Oʻrganishlar doirasida Charmgaron va Shirin mahalla fuqarolar yigʻinlarida ichki koʻcha yoʻllarining holati, koʻchalarning tungi yoritilishi, avtomobil yoʻllarida yuzaga kelayotgan tirbandliklar hamda yoʻl-transport hodisalari koʻp sodir boʻlayotgan hududlarda xavfsizlikni taʼminlashga qaratilgan chora-tadbirlar joyiga chiqqan holda koʻzdan kechirildi.

⛔️Nazorat tadbirlari davomida tuman hududidan oʻtuvchi xalqaro ahamiyatga ega M-37 “Samarqand–Buxoro–Turkmanboshi” avtomobil yoʻlining 238-kilometr chap tomonida, yaʼni tuman markaziga kirish qismidagi svetafor oldida zarur axborot ishorasi yoʻl belgisi oʻrnatilgani natijasida transport vositalari harakatidagi tirbandliklarning oldi olinib, yoʻl harakati tartibga solingani qayd etildi.

➡️Shuningdek, tuman markazidagi Charmgaron MFY hududida joylashgan Tadbirkor koʻchasidagi tuman tibbiyot birlashmasi oldidan oʻtuvchi ichki yoʻl holati ham oʻrganildi. Mazkur yoʻlni kengaytirish orqali transport vositalarining erkin harakatlanishini taʼminlash, mavjud tirbandliklarni bartaraf etish hamda yoʻl harakati xavfsizligini yanada oshirish boʻyicha mutasaddi davlat organlari va tashkilotlariga asoslantirilgan takliflar kiritildi.

➡️Mazkur oʻrganishlar mahallalarda yoʻl infratuzilmasini yaxshilash, fuqarolar uchun qulay va xavfsiz harakat muhitini yaratish hamda yoʻl-transport hodisalarining oldini olishga xizmat qiladi. Xalq deputatlari Vobkent tumani Kengashi tomonidan bu boradagi nazorat tadbirlari izchil davom ettiriladi.

Slide 1 of 6