Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi deputati G‘.Mirzayev o‘zi saylangan hududdagi Guliston mahalla fuqarolar yig‘inida bo‘lib, hududdagi ijtimoiy himoyaga muhtoj, kam ta’minlangan hamda bemorligi bor oilalar holidan xabar oldi. Mazkur tashrif davomida deputat xonadon egalari bilan samimiy suhbat qurib, ularning kundalik turmush tarzi, yashash sharoitlari va ularni qiynayotgan muammolarni yaqindan o‘rgandi. Xalq vakili tomonidan mazkur oilalarga kundalik ehtiyoj uchun zarur bo‘lgan oziq-ovqat mahsulotlari to‘plami topshirildi.

Xalq deputatlari viloyat Kengashi deputati G.Bobojonova hamda Xalq deputatlari Ulug‘nor tuman Kengashi deputati U.Achilovlar Katta Andijon kanali ustida barpo etilgan, Ulug‘nor va Baliqchi tumanlarini o‘zaro bog‘lovchi yangi ko‘prikda bo‘lib, uning bugungi faoliyati va aholi uchun yaratilgan qulayliklar bilan yaqindan tanishdilar.

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Xalq deputatlari tuman Kengashi kotibiyati bosh mutaxassisi G.Abduvositova hamda xalq deputatlari tuman Kengashi deputatlari U.Achilovlar tomonidan aholining qo‘shimcha daromad manbalarini o‘rganish, tomorqadan samarali foydalanish hamda oilaviy tadbirkorlikni qo‘llab-quvvatlash maqsadida o‘rganish ishlari olib borildi.

Xalq deputatlari tuman Kengashi deputati B.Avliyoqulov tomonidan Mingbuloq mahallasida aholi uchun qulay va xavfsiz infratuzilmani shakllantirish maqsadida amalga oshirilgan obodonlashtirish ishlari joyiga chiqqan holda o‘rganildi.

Xalq deputatlari viloyat Kengashi deputati G. Bobojonova hamda tuman Kengashi deputati U. Achilovlar To‘rttol mahalla fuqarolar yig‘iniga tashrif buyurib, mahallada amalga oshirilayotgan ishlar hamda “mahalla yettiligi” faoliyati bilan yaqindan tanishdi.

Xalq deputatlari viloyat Kengashi deputati G.Bobojonova hamda tuman Kengashi deputati U.Achilovlar To‘rttol mahallasida bo‘lib, aholi bilan uyma-uy yurish orqali ochiq muloqotlar o‘tkazdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasi hududida qurilishi rejalashtirilgan briket ko‘mir ishlab chiqarish korxonasi uchun ajratilgan yer maydonida bo‘lib, loyihaning amalga oshirilish jarayonlari bilan tanishdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasidagi 17-maktabgacha ta’lim tashkilotida bo‘lib, muassasaning faoliyati, tarbiya-o‘quv jarayoni va bolajonlar uchun yaratilgan shart-sharoitlar bilan yaqindan tanishdilar.

Saylovchilar bilan muloqot va kambag‘allikni qisqartirish ishlari o‘rganildi

Xalq deputatlari Jondor tumani Kengashiga 21-Po‘loti saylov okrugidan saylangan deputat Q.Safarov hamda tuman Kengashi kotibiyati bosh mutaxassisi R.Murodov hamkorlikda “So‘robod” mahallasida saylovchilar bilan uchrashuv o‘tkazdilar.
✔️Uchrashuv davomida aholi murojaatlari, ularni qiynayotgan muammolar va takliflar tinglanib, mavjud masalalarni hal etish yuzasidan tegishli mutasaddilarga aniq vazifalar belgilandi. Shuningdek, fuqarolarning turmush darajasini yaxshilash, bandligini ta’minlash hamda daromad manbalarini kengaytirishga qaratilgan ishlar yuzasidan fikr almashildi.
✔️O‘rganishlar jarayonida mahalladagi hokim yordamchilari tomonidan aholini kambag‘allikdan chiqarish, ishsiz fuqarolarni doimiy daromad manbai bilan ta’minlash, tadbirkorlikka jalb etish va imtiyozli kreditlardan foydalanish bo‘yicha amalga oshirilayotgan ishlar tahlil qilindi. Xususan “ayollar daftari” va “yoshlar daftari”ga kiritilgan fuqarolar bilan manzilli ishlar tashkil etilganligi, ularning bandligini ta’minlash va ijtimoiy qo‘llab-quvvatlash choralari ko‘rilayotganligi o‘rganildi.
✔️Shu bilan birga, xonadonbay o‘rganishlar natijasida aniqlangan muammolarni bartaraf etish, aholining tadbirkorlik tashabbuslarini qo‘llab-quvvatlash hamda yangi ish o‘rinlari yaratish bo‘yicha amalga oshirilayotgan ishlar samaradorligiga alohida e’tibor qaratildi.
✔️O‘rganish yakunlari bo‘yicha aniqlangan kamchiliklarni bartaraf etish, aholi bandligini ta’minlash va kambag‘allikni qisqartirishga qaratilgan ishlarni yanada kuchaytirish bo‘yicha tegishli taklif va tavsiyalar berildi.
✔️Xalq deputatlari Jondor tumani Kengashi tomonidan aholi muammolarini joyida o‘rganish va ularning ijobiy yechimini ta’minlashga qaratilgan deputatlik nazorati tadbirlari izchil davom ettirilmoqda.

Slide 1 of 5