Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Xalq deputatlari tuman Kengashi kotibiyati bosh mutaxassisi G.Abduvositova hamda xalq deputatlari tuman Kengashi deputatlari U.Achilovlar tomonidan aholining qo‘shimcha daromad manbalarini o‘rganish, tomorqadan samarali foydalanish hamda oilaviy tadbirkorlikni qo‘llab-quvvatlash maqsadida o‘rganish ishlari olib borildi.

Xalq deputatlari tuman Kengashi deputati B.Avliyoqulov tomonidan Mingbuloq mahallasida aholi uchun qulay va xavfsiz infratuzilmani shakllantirish maqsadida amalga oshirilgan obodonlashtirish ishlari joyiga chiqqan holda o‘rganildi.

Xalq deputatlari viloyat Kengashi deputati G. Bobojonova hamda tuman Kengashi deputati U. Achilovlar To‘rttol mahalla fuqarolar yig‘iniga tashrif buyurib, mahallada amalga oshirilayotgan ishlar hamda “mahalla yettiligi” faoliyati bilan yaqindan tanishdi.

Xalq deputatlari viloyat Kengashi deputati G.Bobojonova hamda tuman Kengashi deputati U.Achilovlar To‘rttol mahallasida bo‘lib, aholi bilan uyma-uy yurish orqali ochiq muloqotlar o‘tkazdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasi hududida qurilishi rejalashtirilgan briket ko‘mir ishlab chiqarish korxonasi uchun ajratilgan yer maydonida bo‘lib, loyihaning amalga oshirilish jarayonlari bilan tanishdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasidagi 17-maktabgacha ta’lim tashkilotida bo‘lib, muassasaning faoliyati, tarbiya-o‘quv jarayoni va bolajonlar uchun yaratilgan shart-sharoitlar bilan yaqindan tanishdilar.

Xalq deputatlari tuman Kengashi deputati N.Nishonov 5-umumta’lim maktabida bo‘lib, ta’lim muassasasida olib borilayotgan ta’mirlash ishlari hamda “Dolzarb 90 kunlik” dasturi doirasida amalga oshirilayotgan tadbirlar bilan yaqindan tanishdi.

Xalq deputatlari tuman Kengashi deputati D.Alimov o‘z saylov okrugida aholini uzluksiz va sifatli elektr energiyasi bilan ta’minlash maqsadida amalga oshirilayotgan elektr tarmoqlarini modernizatsiya qilish ishlari bilan yaqindan tanishdi.

Xalq deputatlari tuman Kengashi deputati E.Abdullayev Nurobod mahallasida amalga oshirilayotgan yo‘llarni asfaltlash ishlarining borishi bilan yaqindan tanishdi.

Aholi murojaatlari deputat e’tiborida

#deputatlar_nazorati #poytaxtdeputatlari #deputatlik_faoliyati

❗️Aholi murojaatlari deputat e’tiborida

📍 Xalq deputatlari Toshkent shahar Kengashi deputati Sevara Fayziyeva Chilonzor tuman Kengashi deputati Oybek Tuganbekov bilan birgalikda “Kichik Xirmontepa” mahallasida tashkil etilgan navbatdagi fuqarolar qabulida ishtirok etib, aholi bilan ochiq muloqot o‘tkazdi. Uchrashuvda Ekologik partiyaning Chilonzor tuman Kengashi mas’ullari, mahalla yettiligi, boshqaruv servis kompaniyalari rahbarlari hamda 61 va 62-sonli ko‘p qavatli uylar aholisi qatnashdi.

💬 Muloqot davomida fuqarolar tomonidan uy-joy kommunal xo‘jaligi, ko‘p qavatli uylarni saqlash, hududlarni obodonlashtirish, muhandislik-kommunikatsiya tarmoqlari, sanitariya holatini yaxshilash hamda aholi uchun qulay sharoitlar yaratishga oid qator dolzarb masalalar ko‘tarildi.

🔍 Har bir murojaat deputat tomonidan atroflicha o‘rganilib, ayrim masalalar yuzasidan mas’ul tashkilotlar vakillari bilan joyning o‘zida bog‘lanilib, muammolarni bartaraf etish bo‘yicha tegishli topshiriqlar berildi. Shuningdek, mavjud muammolarni hal etish bo‘yicha amaliy choralar ko‘rish va ularning ijrosini nazorat qilish yuzasidan kelishib olindi.

📉 Uchrashuvda mahalliy Kengash deputatlari faoliyatining ustuvor yo‘nalishlari, jumladan, aholi turmush sharoitlarini yaxshilash, kommunal xizmatlar sifatini oshirish, mahallalarda obodonlashtirish va infratuzilma holatini yaxshilash, fuqarolar murojaatlari bilan ishlash samaradorligini kuchaytirish masalalariga alohida e’tibor qaratildi.

🤝 Sevara Fayziyeva aholi manfaatlarini himoya qilish, har bir murojaatni manzilli o‘rganish va ko‘tarilgan masalalar yuzasidan ta’sirchan deputatlik nazoratini o‘rnatish deputatlik faoliyatining eng muhim vazifalaridan biri ekanini ta’kidladi.

✅ Qabul yakunida barcha murojaatlar tegishliligi bo‘yicha nazoratga olinib, ularning ijobiy yechimiga erishish yuzasidan zarur choralar belgilab olindi. Fuqarolar bilan bunday ochiq muloqotlar hududdagi mavjud muammolarni aniqlash va ularni manzilli hal etishda muhim ahamiyat kasb etayotgani qayd etildi.

📱 Telegram 📱 Instagram 📱 Facebook 📱 YouTube 🔎 E-kengash

Slide 1 of 5