Yangiliklar
So‘ngi yangiliklar
янв.21
Xalq deputatlari tuman Kengashi deputati G‘.Mirzayev o‘zi saylangan hududdagi Guliston mahalla fuqarolar yig‘inida bo‘lib, hududdagi ijtimoiy himoyaga muhtoj, kam ta’minlangan hamda bemorligi bor oilalar holidan xabar oldi. Mazkur tashrif davomida deputat xonadon egalari bilan samimiy suhbat qurib, ularning kundalik turmush tarzi, yashash sharoitlari va ularni qiynayotgan muammolarni yaqindan o‘rgandi. Xalq vakili tomonidan mazkur oilalarga kundalik ehtiyoj uchun zarur bo‘lgan oziq-ovqat mahsulotlari to‘plami topshirildi.янв.21
Xalq deputatlari viloyat Kengashi deputati G.Bobojonova hamda Xalq deputatlari Ulug‘nor tuman Kengashi deputati U.Achilovlar Katta Andijon kanali ustida barpo etilgan, Ulug‘nor va Baliqchi tumanlarini o‘zaro bog‘lovchi yangi ko‘prikda bo‘lib, uning bugungi faoliyati va aholi uchun yaratilgan qulayliklar bilan yaqindan tanishdilar.янв.21
Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.янв.21
Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.янв.21
Xalq deputatlari tuman Kengashi kotibiyati bosh mutaxassisi G.Abduvositova hamda xalq deputatlari tuman Kengashi deputatlari U.Achilovlar tomonidan aholining qo‘shimcha daromad manbalarini o‘rganish, tomorqadan samarali foydalanish hamda oilaviy tadbirkorlikni qo‘llab-quvvatlash maqsadida o‘rganish ishlari olib borildi.янв.21
Xalq deputatlari tuman Kengashi deputati B.Avliyoqulov tomonidan Mingbuloq mahallasida aholi uchun qulay va xavfsiz infratuzilmani shakllantirish maqsadida amalga oshirilgan obodonlashtirish ishlari joyiga chiqqan holda o‘rganildi.янв.21
Xalq deputatlari viloyat Kengashi deputati G. Bobojonova hamda tuman Kengashi deputati U. Achilovlar To‘rttol mahalla fuqarolar yig‘iniga tashrif buyurib, mahallada amalga oshirilayotgan ishlar hamda “mahalla yettiligi” faoliyati bilan yaqindan tanishdi.янв.21
Xalq deputatlari viloyat Kengashi deputati G.Bobojonova hamda tuman Kengashi deputati U.Achilovlar To‘rttol mahallasida bo‘lib, aholi bilan uyma-uy yurish orqali ochiq muloqotlar o‘tkazdilar.янв.21
Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasi hududida qurilishi rejalashtirilgan briket ko‘mir ishlab chiqarish korxonasi uchun ajratilgan yer maydonida bo‘lib, loyihaning amalga oshirilish jarayonlari bilan tanishdilar.янв.21
Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasidagi 17-maktabgacha ta’lim tashkilotida bo‘lib, muassasaning faoliyati, tarbiya-o‘quv jarayoni va bolajonlar uchun yaratilgan shart-sharoitlar bilan yaqindan tanishdilar.Shaharda ishsiz yoshlar bandligini ta'minlash ishlari tahlil qilindi.
Shaharda ishsiz yoshlar bandligini ta'minlash ishlari tahlil qilindi.
2025-yil 19-noyabr kuni O‘zbekiston Respublikasi Prezidenti tomonidan o‘tkazilgan “Kambag‘allikni qisqartirish va aholi bandligini ta'minlash borasidagi ishlar sarhisobi hamda kelgusi yil ustuvor vazifalari” mavzusidagi videoselektor yig‘ilishida belgilangan topshiriqlar ijrosini ta'minlash maqsadida Kattaqo‘rg‘on shahrida “Ishsiz yoshlar balansi”ni shakllantirish bo‘yicha amalga oshirilayotgan ishlar yuzasidan nazorat-tahlil tadbiri o‘tkazildi.
Xalq deputatlari Kattaqo‘rg‘on shahar Kengashining navbatdagi sessiyasi kun tartibiga kiritilgan mazkur masala yuzasidan Kengash Kotibiyati mudiri N.Xakimov tomonidan o‘rganishlar olib borildi.
Tahlil jarayonida Yoshlar ishlari agentligi Kattaqo‘rg‘on shahar bo‘limi tomonidan ishsiz yoshlarning bandligini ta'minlash, ularni ijtimoiy qo‘llab-quvvatlash, huquqbuzarliklarning oldini olish, ijtimoiy himoyaga muhtoj hamda “og‘ir” toifadagi yoshlar bilan manzilli ishlash borasida amalga oshirilayotgan ishlar atroflicha ko‘rib chiqildi.
Ma'lum qilinishicha, shahardagi 30 ta mahallada keng qamrovli xatlov ishlari o‘tkazilib, 14 yoshdan 30 yoshgacha bo‘lgan 24 411 nafar yoshning ijtimoiy holati, qiziqishlari va ehtiyojlari o‘rganilgan.
O‘rganishlar yakuniga ko‘ra yoshlar “yaxshi”, “o‘rta” va “og‘ir” toifalarga ajratilib, ayniqsa muammoli yoshlar bilan individual ishlash tizimi yo‘lga qo‘yilgan.
Shuningdek, “og‘ir” toifadagi 339 nafar ishsiz yoshning bandligi ta'minlanganligi alohida ta'kidlandi. Ularning bir qismi doimiy ish bilan ta'minlangan bo‘lsa, ayrimlariga imtiyozli kreditlar ajratilgan, o‘zini o‘zi band qilishi uchun zarur asbob-uskunalar berilgan, kasb-hunarga o‘qitilgan yoki xorijda qonuniy mehnat faoliyatini olib borishi uchun tartibli mehnat migratsiyasiga yo‘naltirilgan.
Shuningdek, bitiruvchi yoshlarning bandligini ta'minlash masalasi ham alohida e'tiborda bo‘lib, joriy yilda 1 333 nafar bitiruvchi yoshning bandligini ta'minlash rejalashtirilgani hamda bu boradagi ishlar izchil davom ettirilayotgani qayd etildi.
✅ Yoshlar bandligini ta'minlash, ularning muammolarini manzilli hal etish va munosib mehnat faoliyatiga jalb qilish borasida amalga oshirilayotgan ishlar Xalq deputatlari Kattaqo‘rg‘on shahar Kengashi tomonidan doimiy nazoratga olingan.