Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi deputati G‘.Mirzayev o‘zi saylangan hududdagi Guliston mahalla fuqarolar yig‘inida bo‘lib, hududdagi ijtimoiy himoyaga muhtoj, kam ta’minlangan hamda bemorligi bor oilalar holidan xabar oldi. Mazkur tashrif davomida deputat xonadon egalari bilan samimiy suhbat qurib, ularning kundalik turmush tarzi, yashash sharoitlari va ularni qiynayotgan muammolarni yaqindan o‘rgandi. Xalq vakili tomonidan mazkur oilalarga kundalik ehtiyoj uchun zarur bo‘lgan oziq-ovqat mahsulotlari to‘plami topshirildi.

Xalq deputatlari viloyat Kengashi deputati G.Bobojonova hamda Xalq deputatlari Ulug‘nor tuman Kengashi deputati U.Achilovlar Katta Andijon kanali ustida barpo etilgan, Ulug‘nor va Baliqchi tumanlarini o‘zaro bog‘lovchi yangi ko‘prikda bo‘lib, uning bugungi faoliyati va aholi uchun yaratilgan qulayliklar bilan yaqindan tanishdilar.

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Xalq deputatlari tuman Kengashi kotibiyati bosh mutaxassisi G.Abduvositova hamda xalq deputatlari tuman Kengashi deputatlari U.Achilovlar tomonidan aholining qo‘shimcha daromad manbalarini o‘rganish, tomorqadan samarali foydalanish hamda oilaviy tadbirkorlikni qo‘llab-quvvatlash maqsadida o‘rganish ishlari olib borildi.

Xalq deputatlari tuman Kengashi deputati B.Avliyoqulov tomonidan Mingbuloq mahallasida aholi uchun qulay va xavfsiz infratuzilmani shakllantirish maqsadida amalga oshirilgan obodonlashtirish ishlari joyiga chiqqan holda o‘rganildi.

Xalq deputatlari viloyat Kengashi deputati G. Bobojonova hamda tuman Kengashi deputati U. Achilovlar To‘rttol mahalla fuqarolar yig‘iniga tashrif buyurib, mahallada amalga oshirilayotgan ishlar hamda “mahalla yettiligi” faoliyati bilan yaqindan tanishdi.

Xalq deputatlari viloyat Kengashi deputati G.Bobojonova hamda tuman Kengashi deputati U.Achilovlar To‘rttol mahallasida bo‘lib, aholi bilan uyma-uy yurish orqali ochiq muloqotlar o‘tkazdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasi hududida qurilishi rejalashtirilgan briket ko‘mir ishlab chiqarish korxonasi uchun ajratilgan yer maydonida bo‘lib, loyihaning amalga oshirilish jarayonlari bilan tanishdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasidagi 17-maktabgacha ta’lim tashkilotida bo‘lib, muassasaning faoliyati, tarbiya-o‘quv jarayoni va bolajonlar uchun yaratilgan shart-sharoitlar bilan yaqindan tanishdilar.

Deputat boshchiligida ekologik-ma’rifiy tadbir tashkil etildi

#deputatlar_nazorati #poytaxtdeputatlari #deputatlik_faoliyati

❗️ Respublika bolalar ijtimoiy moslashuvi markazida deputat boshchiligida ekologik-ma’rifiy tadbir tashkil etildi

🏛 Xalq deputatlari Toshkent shahar Kengashi deputati Vasila Alimova tashabbusi bilan Respublika bolalar ijtimoiy moslashuvi markazida tarbiyalanuvchilar uchun ekologik-ma’rifiy tadbir tashkil etildi.

🌱 Tadbirning asosiy maqsadi bolalarda tabiat va atrof-muhitga mehr-muhabbatni shakllantirish, ekologik madaniyatni yuksaltirish hamda ularni hayvonot olamiga ehtiyotkorona munosabat ruhida tarbiyalashdan iborat bo‘ldi. Mazkur tashabbus mahalliy Kengash deputatlari faoliyatining eng muhim yo‘nalishlaridan biri bo‘lgan yoshlar bilan ishlash, bolalarning ma’naviy kamolotini qo‘llab-quvvatlash va ularning ijtimoiy moslashuviga ko‘maklashish vazifalariga hamohang tarzda amalga oshirildi.

🔎 Tadbir doirasida ekojurnalist N. Qosimova hamda Toshkent hayvonot bog‘i mutaxassislari markaz tarbiyalanuvchilari bilan uchrashib, ularga hayvonot olami, jonivorlarga g‘amxo‘rlik qilish, tabiatni asrash va ekologik muvozanatni saqlashning ahamiyati haqida qiziqarli ma’lumotlar berdilar. Uchrashuvga maxsus olib kelingan toshbaqa, xomyak va quyonlar bolalarda katta qiziqish uyg‘otdi. Tarbiyalanuvchilar jonivorlarni yaqindan kuzatish, ularni parvarishlash jarayonlari bilan tanishish va o‘zlarini qiziqtirgan savollarga javob olish imkoniyatiga ega bo‘ldilar.

💬 Tadbir davomida mutaxassislar tomonidan hayvonlarga mehr ko‘rsatish, ularni asrash, atrof-muhitni muhofaza qilish hamda ekologik mas’uliyatni his etish bo‘yicha tavsiyalar berildi. Bolalar esa qiziqarli muloqotlarda faol qatnashib, unutilmas taassurotlarga ega bo‘ldilar.

🤝 Deputat Vasila Alimova o‘z so‘zida bunday ekologik-ma’rifiy tadbirlar bolalarning ruhiy holatini yaxshilash, ularning ijtimoiy moslashuvini qo‘llab-quvvatlash, tabiat va hayvonot olamiga nisbatan mehr-muhabbat tuyg‘ularini shakllantirishda muhim ahamiyat kasb etishini ta’kidladi.

✅ Tadbir yakunida ishtirokchilar ushbu foydali va qiziqarli tashabbus uchun minnatdorlik bildirib, hayvonlar bilan bevosita muloqot ularda iliq taassurotlar qoldirganini qayd etdilar. Mazkur tadbir yosh avlod qalbida ekologik madaniyat, tabiatga hurmat va atrof-muhitga mas’uliyatli munosabatni shakllantirishga xizmat qildi.

📱 Telegram 📱 Instagram 📱 Facebook 📱 YouTube 🔎 E-kengash

Slide 1 of 4