XALÍQ DEPUTATLARÍ QARAÓZEK RAYONLÍQ KEŃESINIŃ JIGIRMA BIRINSHI SESSIYASÍ HAQQÍNDA MÁLIMLEME

Xalıq deputatları Qaraózek rayonlıq Keńesiniń gezektegi jigirma birinshi sessiyası bolıp ótti.

Sessiyanı Keńes baslıǵı G.Yusupova basqarıp bardı.
Sessiya reglamenti belgilenip, deputatlar májilis xatkeri hám kún tártibin tastıyıqladı.
Sessiyaǵa rayonlıq Keńes deputatları, Keńes janındaǵı jaslar másláhát toparı, ekspert aǵzaları, hákim orınbasarları, siyasiy partiyalar, rayonlıq mákeme, shólkemler, puqaralar jıyınları hám ǵalaba xabar qurallarınıń wákilleri qatnastı.

Sessiya jumısı Keńestiń social tarmaqtaǵı arnawlı betlerinde tuwrıdan-tuwrı jarıtılıp barıldı. Kún tártibinde dáslep 2024-2026 jıllarda Xalıq deputatları Qaraózek rayonıq Keńesi sheshimleri menen Qaraózek rayonı “Esim” mákan puqaralar jıyını aymaǵında jaylasqan «Jańa Ózbekstan» massivinen ipoteka krediti tiykarında turaq jay satıp alıwdı qálewshi puqaralarǵa ajıratılǵan subsidiyadan paydalanbaǵan puqaralardı subsidiya beriw haqqındaǵı Keńes sheshimleri diziminen alıp taslaw hám jańadan subsidiya ajıratıw boyınsha hám Qaraózek rayonı hákimligi janındaǵı “Infrastruktura hám sociallıq turaqlılıq” qorı esabınan qarjı ajıratıw haqqında rayon hákiminiń birinshi orınbasarı - ekonomika hám finans bólimi baslıǵı wazıypasın atqarıwshı A.Sarsenbaevtıń usınısları dodalanıldı.
Deputatlardıń usınısları menen sheshim qabıl etildi. Sessiya kún tártibindegi Qaraózek rayonlıq mámleketlik salıq inspekciyası tárepinen 2026-jıldıń birinshi sheregi dawamında  jergilikli byudjet dáramatlarınıń orınlanıw jaǵdayı, qosımsha rezervlerdi anıqlaw boyınsha islengen jumıslar, salıqlar hám basqa da májbúriy tólemler kesiminde byudjetke esaplanǵan hám ámelde óndirilgen, sonday-aq, salıq qarızdarlıǵı boyınsha alıp barılıp atırǵan jumısları tuwralı rayonlıq salıq inspekciyası baslıǵı J.Kazbekovtıń esabatı kórip shıǵılıp, deputatlar tárepinen sheshim qabıl etildi. Sessiyada Qaraózek rayonı  aymaǵındaǵı «Nókis - Shımbay – Taxtakópir» avtomobil jolı boyına hám Ájiniyaz, Berdaq kósheleriniń diyxan bazarı átirapında jol boylarına “Toqtaw  qadaǵan  etilgen” hám “Toqtap turıw  qadaǵan  etilgen” jol belgilerin ornatıw haqqında Qaraózek rayonı hákiminiń qurılıs, tosqınlıqlarsız ortalıq jaratıw, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı – Abadanlastırıw basqarması baslıǵı G.Ametovtıń usınısı kórip shıǵıldı hám deputatlar tárepinen maqullanıp, sheshim qabıl etildi. Sessiyada Qaraózek rayon hákiminiń jaslar siyasatı, sociallıq rawajlandırıw hám ruwxıy-aǵartıwshılıq isleri boyınsha orınbasarı N.Abdireymovtıń rayondaǵı 13 máhállede jaslardıń jazǵı dem alıs dáwirin mazmunlı shólkemlestiriwge qaratılǵan "Áhmiyetli 90 kún" ilajlar baǵdarlaması kalendar rejesi hám jaslar aylıǵı sheńberindegi ilajlardı qarjılandırıw boyınsha bergen usınısları kórip shı Sonday-aq, sessiya kún tártibine "Adolat" social-demokratiyalıq partiyası deputatlıq toparı usınısı menen kiritilgen Ózbekstan Respublikası Ministrler Kabinetiniń 2024-jıl 31-maydaǵı “Elektr energiyası hám tábiyǵıy gazden paydalanıw qaǵıydaların tastıyıqlaw haqqında”ǵı 319-sanlı qararında belgilengen wazıypalardıń rayon aymaǵında orınlanıw barısı boyınsha "Hududgaz Qoraqalpoǵiston" JShJ Qaraózek rayonı gaz filialı baslıǵı B.Aytbaevtıń esabatı dodalanılıp, tiyislisinshe usınıslar menen sheshim qabıl etildi. Sessiyada Xalıq deputatları rayonlıq Keńesiniń turaqlı komissiyaları tárepinen usınılǵan máseleler tolıǵı menen kórip shıǵılıp, sheshimler qabıl etildi.
Deputatlar, siyasiy partiya deputatlıq toparları tárepinen kún tártibindegi máseleler boyınsha pikir, usınıslar bildirildi, tarawlarda aldaǵı isleniwi tiyis wazıypalar belgilendi hám jigirma birinshi sessiya óz jumısın juwmaqladı.