➡️Xalq deputatlari Buxoro viloyati Kengashiga 26-Jondor saylov okrugidan saylangan deputat L.Ergasheva, Xalq deputatlari Jondor tumani Kengashiga 2-Aleli saylov okrugidan saylangan deputat Z.Shomurodova hamda tuman Kengashi kotibiyati bosh mutaxassislari J.Norov va R.Murodovlar “Rabot” mahallasida tashkil etilgan xotin-qizlar bandligini ta’minlash va salomatligini mustahkamlash markazi faoliyati bilan tanishdilar.
➡️Tashrif davomida markazda xotin-qizlarni kasb-hunarga o‘qitish, ularning doimiy bandligini ta’minlash, tadbirkorlik ko‘nikmalarini shakllantirish hamda sog‘lom turmush tarzini targ‘ib qilish borasida amalga oshirilayotgan ishlar ko‘zdan kechirildi. Shuningdek, markazda yaratilgan shart-sharoitlar va aholiga ko‘rsatilayotgan xizmatlar yuzasidan mas’ullar bilan muloqot o‘tkazildi.
➡️Uchrashuv yakunida xotin-qizlarning ijtimoiy faolligini oshirish, ularni qo‘llab-quvvatlash va bandligini ta’minlashga qaratilgan ishlarni yanada takomillashtirish bo‘yicha taklif va tavsiyalar bildirildi.