Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Xalq deputatlari tuman Kengashi kotibiyati bosh mutaxassisi G.Abduvositova hamda xalq deputatlari tuman Kengashi deputatlari U.Achilovlar tomonidan aholining qo‘shimcha daromad manbalarini o‘rganish, tomorqadan samarali foydalanish hamda oilaviy tadbirkorlikni qo‘llab-quvvatlash maqsadida o‘rganish ishlari olib borildi.

Xalq deputatlari tuman Kengashi deputati B.Avliyoqulov tomonidan Mingbuloq mahallasida aholi uchun qulay va xavfsiz infratuzilmani shakllantirish maqsadida amalga oshirilgan obodonlashtirish ishlari joyiga chiqqan holda o‘rganildi.

Xalq deputatlari viloyat Kengashi deputati G. Bobojonova hamda tuman Kengashi deputati U. Achilovlar To‘rttol mahalla fuqarolar yig‘iniga tashrif buyurib, mahallada amalga oshirilayotgan ishlar hamda “mahalla yettiligi” faoliyati bilan yaqindan tanishdi.

Xalq deputatlari viloyat Kengashi deputati G.Bobojonova hamda tuman Kengashi deputati U.Achilovlar To‘rttol mahallasida bo‘lib, aholi bilan uyma-uy yurish orqali ochiq muloqotlar o‘tkazdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasi hududida qurilishi rejalashtirilgan briket ko‘mir ishlab chiqarish korxonasi uchun ajratilgan yer maydonida bo‘lib, loyihaning amalga oshirilish jarayonlari bilan tanishdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasidagi 17-maktabgacha ta’lim tashkilotida bo‘lib, muassasaning faoliyati, tarbiya-o‘quv jarayoni va bolajonlar uchun yaratilgan shart-sharoitlar bilan yaqindan tanishdilar.

Xalq deputatlari tuman Kengashi deputati N.Nishonov 5-umumta’lim maktabida bo‘lib, ta’lim muassasasida olib borilayotgan ta’mirlash ishlari hamda “Dolzarb 90 kunlik” dasturi doirasida amalga oshirilayotgan tadbirlar bilan yaqindan tanishdi.

Xalq deputatlari tuman Kengashi deputati D.Alimov o‘z saylov okrugida aholini uzluksiz va sifatli elektr energiyasi bilan ta’minlash maqsadida amalga oshirilayotgan elektr tarmoqlarini modernizatsiya qilish ishlari bilan yaqindan tanishdi.

“Zaminobod” mahallasidagi muammolar o‘rganildi

#deputatlar_nazorati #poytaxtdeputatlari #deputatlik_faoliyati

❗️Aholi murojaatlari deputat nazoratida: “Zaminobod” mahallasidagi muammolar o‘rganildi

📍 Xalq deputatlari Toshkent shahar Kengashi deputati Otabek Jiyanboyev o‘z saylov okrugiga kiruvchi “Zaminobod” mahalla fuqarolar yig‘inida bo‘lib, aholi bilan ochiq muloqot o‘tkazdi hamda hududdagi mavjud muammolarni joyiga chiqib o‘rgandi. Uchrashuvda “Milliy tiklanish” demokratik partiyasi Toshkent shahar Kengashi mas’ullari, mahalla yettiligi a’zolari va fuqarolar ishtirok etdi.

💬 Muloqot davomida aholi tomonidan hudud infratuzilmasini yaxshilash, kommunal xizmatlar sifatini oshirish hamda fuqarolar uchun qulay yashash sharoitlarini yaratishga oid qator masalalar ko‘tarildi. Xususan, Marg‘ilon ko‘chasi va Marg‘ilon tor ko‘chasida qariyb 800 metr uzunlikdagi oqava suv tarmoqlari (kanalizatsiya) tizimini barpo etish zarurligi ta’kidlandi. Mazkur hududda kanalizatsiya tarmog‘ining mavjud emasligi sanitariya-gigiyena holatining yomonlashishiga, fuqarolar salomatligi va turmush sifatiga salbiy ta’sir ko‘rsatayotgani qayd etildi.

🔎 Shuningdek, fuqaro Mahliyo Sagdiyeva tomonidan hovli hududidan o‘tgan tabiiy gaz quvurini xavfsizlik nuqtayi nazaridan tashqariga ko‘chirish bo‘yicha murojaat bildirildi. Deputat tomonidan murojaatlar atroflicha o‘rganilib, ularni qonuniy va amaliy jihatdan hal etish yuzasidan tegishli choralar belgilandi.

🗣 O‘rganish jarayonida mahalladagi ichki infratuzilma holati, aholini kommunal xizmatlar bilan ta’minlash, sanitariya sharoitlarini yaxshilash hamda fuqarolar uchun yanada qulay yashash muhitini yaratish masalalariga alohida e’tibor qaratildi. Bu esa mahalliy Kengash deputatlari faoliyatining eng muhim yo‘nalishlaridan biri bo‘lgan hududlarni joyiga chiqib o‘rganish va aholi muammolariga manzilli yechim topish vazifalariga to‘liq mos keladi.

📨 Uchrashuv yakunlari bo‘yicha aniqlangan muammolarni ijobiy hal etish maqsadida Toshkent shahar Uy-joy kommunal xo‘jaligi bosh boshqarmasi boshlig‘iga deputatlik so‘rovi yuborildi va masalaning ijrosi deputat nazoratiga olindi.

🤝 Xalq deputatlari Toshkent shahar Kengashi deputati Otabek Jiyanboyev tomonidan aholi bilan bevosita muloqot qilish, ularning murojaatlarini o‘rganish va mavjud muammolar yechimi yuzasidan amaliy choralar ko‘rish ishlari izchil davom ettirilmoqda.

📱 Telegram 📱 Instagram 📱 Facebook 📱 YouTube 🔎 E-kengash

Slide 1 of 6