Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Xalq deputatlari tuman Kengashi kotibiyati bosh mutaxassisi G.Abduvositova hamda xalq deputatlari tuman Kengashi deputatlari U.Achilovlar tomonidan aholining qo‘shimcha daromad manbalarini o‘rganish, tomorqadan samarali foydalanish hamda oilaviy tadbirkorlikni qo‘llab-quvvatlash maqsadida o‘rganish ishlari olib borildi.

Xalq deputatlari tuman Kengashi deputati B.Avliyoqulov tomonidan Mingbuloq mahallasida aholi uchun qulay va xavfsiz infratuzilmani shakllantirish maqsadida amalga oshirilgan obodonlashtirish ishlari joyiga chiqqan holda o‘rganildi.

Xalq deputatlari viloyat Kengashi deputati G. Bobojonova hamda tuman Kengashi deputati U. Achilovlar To‘rttol mahalla fuqarolar yig‘iniga tashrif buyurib, mahallada amalga oshirilayotgan ishlar hamda “mahalla yettiligi” faoliyati bilan yaqindan tanishdi.

Xalq deputatlari viloyat Kengashi deputati G.Bobojonova hamda tuman Kengashi deputati U.Achilovlar To‘rttol mahallasida bo‘lib, aholi bilan uyma-uy yurish orqali ochiq muloqotlar o‘tkazdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasi hududida qurilishi rejalashtirilgan briket ko‘mir ishlab chiqarish korxonasi uchun ajratilgan yer maydonida bo‘lib, loyihaning amalga oshirilish jarayonlari bilan tanishdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasidagi 17-maktabgacha ta’lim tashkilotida bo‘lib, muassasaning faoliyati, tarbiya-o‘quv jarayoni va bolajonlar uchun yaratilgan shart-sharoitlar bilan yaqindan tanishdilar.

Xalq deputatlari tuman Kengashi deputati N.Nishonov 5-umumta’lim maktabida bo‘lib, ta’lim muassasasida olib borilayotgan ta’mirlash ishlari hamda “Dolzarb 90 kunlik” dasturi doirasida amalga oshirilayotgan tadbirlar bilan yaqindan tanishdi.

Xalq deputatlari tuman Kengashi deputati D.Alimov o‘z saylov okrugida aholini uzluksiz va sifatli elektr energiyasi bilan ta’minlash maqsadida amalga oshirilayotgan elektr tarmoqlarini modernizatsiya qilish ishlari bilan yaqindan tanishdi.

Deputat so‘rovi - bu

Deputatning o‘z hududidagi davlat hokimiyati va boshqaruvi organlari rahbarlari hamda mansabdor shaxslarga rasmiy murojaatidir. Deputat o‘z saylovchilarini qiynayotgan muammolar, hududdagi mavjud kamchiliklar yoki muhim masalalar yuzasidan izoh va tushuntirish talab qilish huquqiga ega.

Deputat so‘rovida odatda aholini qiynayotgan masalalar, bajarilmayotgan ishlar, qonun ijrosi, hududdagi muammolar yoki fuqarolar murojaatlariga oid savollar ko‘tariladi. Mansabdor shaxs esa ushbu murojaatni e’tiborsiz qoldirmasdan, belgilangan tartibda asoslantirilgan javob berishi shart.

Qonunchilikka ko‘ra, davlat hokimiyati va boshqaruvi organlarining mansabdor shaxslari deputat so‘roviga u olingan kundan boshlab 10 kun ichida javob yuboradilar. Javob so‘rov yuborilgan mansabdor shaxs yoki uning vazifasini vaqtincha bajarib turgan shaxs tomonidan imzolanadi.

Shuningdek, deputat sudlar, prokuratura, surishtiruv va tergov organlariga ham so‘rov yuborishi mumkin. Biroq bu so‘rovlar ularning ish yurituvidagi aniq bir jinoyat ishi yoki materiallarga aralashish bilan bog‘liq bo‘lishi mumkin emas. Chunki sud va tergov organlarining mustaqilligi qonun bilan himoya qilinadi.

Deputat so‘rovlari orqali hududdagi muammolarni aniqlash, davlat organlari faoliyati ustidan jamoatchilik nazoratini kuchaytirish hamda aholining manfaatlarini himoya qilish maqsad qilinadi. Zarurat bo‘lsa, deputat so‘rovlari bo‘yicha olingan ma’lumotlar tegishli xalq deputatlari Kengashi sessiyalarida muhokama qilinishi ham mumkin.