Yangiliklar
So‘ngi yangiliklar
янв.21
Xalq deputatlari viloyat Kengashi deputati G.Bobojonova hamda tuman Kengashi deputati U.Achilovlar To‘rttol mahallasida bo‘lib, aholi bilan uyma-uy yurish orqali ochiq muloqotlar o‘tkazdilar.янв.21
Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasi hududida qurilishi rejalashtirilgan briket ko‘mir ishlab chiqarish korxonasi uchun ajratilgan yer maydonida bo‘lib, loyihaning amalga oshirilish jarayonlari bilan tanishdilar.янв.21
Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasidagi 17-maktabgacha ta’lim tashkilotida bo‘lib, muassasaning faoliyati, tarbiya-o‘quv jarayoni va bolajonlar uchun yaratilgan shart-sharoitlar bilan yaqindan tanishdilar.янв.21
Xalq deputatlari tuman Kengashi deputati N.Nishonov 5-umumta’lim maktabida bo‘lib, ta’lim muassasasida olib borilayotgan ta’mirlash ishlari hamda “Dolzarb 90 kunlik” dasturi doirasida amalga oshirilayotgan tadbirlar bilan yaqindan tanishdi.янв.21
Xalq deputatlari tuman Kengashi deputati D.Alimov o‘z saylov okrugida aholini uzluksiz va sifatli elektr energiyasi bilan ta’minlash maqsadida amalga oshirilayotgan elektr tarmoqlarini modernizatsiya qilish ishlari bilan yaqindan tanishdi.янв.21
Xalq deputatlari tuman Kengashi deputati E.Abdullayev Nurobod mahallasida amalga oshirilayotgan yo‘llarni asfaltlash ishlarining borishi bilan yaqindan tanishdi.янв.21
Xalq deputatlari tuman Kengashi raisi X.Raximov To‘rttol mahallasida bo‘lib, mahalla yettiligi faoliyati, aholi bilan ishlash tizimi hamda hududda amalga oshirilayotgan ijtimoiy-iqtisodiy ishlar bilan yaqindan tanishdi.янв.21
Xalq deputatlari tuman Kengashi kotibiyati bosh mutaxassisi J.Axmadaliyev Obod mahallasida bo‘lib, mahalla raisi, ijtimoiy xodim hamda hokim yordamchisi bilan uchrashuv o‘tkazdi. Uchrashuv davomida mahalla yettiligi faoliyati, aholi murojaatlari bilan ishlash, ijtimoiy-iqtisodiy masalalarni hal etish hamda hududda amalga oshirilayotgan ishlar muhokama qilindi.янв.21
Xalq deputatlari tuman Kengashi kotibiyati mudiri G.Bobojonova hamda tuman Kengashi deputati N.Nishonovlar Cho‘lobod mahallasida bo‘lib, mahalla yettiligi faoliyati, aholi bilan ishlash tizimi va hududda amalga oshirilayotgan ijtimoiy-iqtisodiy ishlar bilan yaqindan tanishdilar.янв.21
Xalq deputatlari tuman Kengashi kotibiyati bosh mutaxassisi G.Abduvositova Ulug‘bek mahallasida bo‘lib, mahalla yettiligi faoliyati, aholi bilan ishlash tizimi hamda hududda amalga oshirilayotgan ijtimoiy-iqtisodiy ishlar bilan yaqindan tanishdi.Xalq deputatlari Marg‘ilon shahar Kengashining Mahalliy budjet, tadbirkorlikni rivojlantirish va iqtisodiy islohotlar masalalar i bo‘yicha doimiy komissiyasining navbatdagi yig‘ilishi bo‘lib o‘tdi.
Komissiya raisi E.Yunusov raisligida o‘tgan yig‘ilishda kotibiyat mudiri A.Ermatov, doimiy komissiya a’zolari hamda ekspert-maslahat guruhi vakillari ishtirok etdi. Kun tartibidagi asosiy masalalardan biri sifatida Marg‘ilon shahar hokimligi Uy-joylarni ro‘yxatga olish, almashtirish va taqsimlash bo‘limi boshlig‘i O.Yuldashevning hisoboti tinglandi.
Hisobotda qayd etilishicha, davlat uy-joy fondidan foydalanish va uni tasarruf etishda ochiqlik hamda shaffoflikni ta’minlashga alohida e’tibor qaratilmoqda. Bu borada O‘zbekiston Respublikasi Vazirlar Mahkamasining 2024-yil 11-martdagi 124-son qarori muhim huquqiy asos bo‘lib xizmat qilmoqda.
Mazkur qarorga muvofiq, uy-joy sharoitlarini yaxshilashga muhtoj fuqarolarni hisobga olish, davlat uy-joy fondidagi turar joylarni taqsimlash va taqdim etish tartibi aniq belgilangan. Fuqarolar uy-joy masalalari bo‘yicha Davlat xizmatlari markazlari orqali yoki Yagona interaktiv davlat xizmatlari portali (YAIDXP) yordamida elektron shaklda murojaat qilish imkoniyatiga ega.
Mazkur tizim xizmatlardan foydalanish jarayonini soddalashtirish, inson omilini kamaytirish hamda shaffoflikni ta’minlashga xizmat qilmoqda.
Bugungi kunda Marg‘ilon shahrida jami 523 ta orderli xonadon mavjud. Shuningdek, shaharda uchta oilaviy yotoqxona faoliyat yuritmoqda:
- “Yovqochar” MFY, Turkiston ko‘chasi, 211-uy — 56 o‘rinli;
- “Go‘riavval” MFY, Safil to‘da ko‘chasi, 10-B uy — 88 xonadonli kvartira tipidagi yotoqxona;
- “Qashqar” MFY, B. Marg‘iloniy ko‘chasi, 2-B uy — 52 o‘rinli.
2025-yil davomida mazkur yotoqxonalarning koridorlari va tashqi fasad qismlari to‘liq ta’mirlandi. Ayniqsa, “Go‘riavval” mahallasidagi 88 xonadonli yotoqxonada isitish tizimi to‘liq yangilanib, qayta ishga tushirildi.
Mazkur loyiha uchun 620 million so‘m mablag‘ yo‘naltirildi. Natijada ushbu yotoqxonada istiqomat qilayotgan fuqarolar uchun qish mavsumini qulay sharoitlarda o‘tkazish imkoniyati yaratildi.
Hisobotda fuqarolar murojaatlari tahliliga ham alohida to‘xtalib o‘tildi. Ma’lum qilinishicha, 2025-yil davomida virtual qabulxona orqali jami 164 ta murojaat kelib tushgan.
Joriy yilning shu davriga qadar esa 68 ta murojaat qayd etilgan bo‘lib, bu o‘tgan yilning mos davriga nisbatan 16 taga kamdir. Ushbu ko‘rsatkich sohada olib borilayotgan tizimli ishlar va muammolarni joyida hal etish amaliyoti samaradorligini ko‘rsatmoqda.
Vazirlar Mahkamasining 124-son qaroriga muvofiq, davlat uy-joy fondidagi xonadonlarda yashovchi fuqarolar belgilangan tartibda o‘z turar joylarini xususiylashtirish huquqiga ega.
Hisobot davrida bir nafar fuqaroning yashab turgan xonadoni qonunchilikda belgilangan tartibda xususiylashtirib berildi.
Yig‘ilish yakunida komissiya a’zolari tomonidan davlat uy-joy fondini boshqarish samaradorligini oshirish, fuqarolar murojaatlarini tezkor ko‘rib chiqish hamda xizmatlar ko‘rsatishda ochiqlik va shaffoflikni yanada kuchaytirish yuzasidan tegishli tavsiyalar bildirildi.
Ta’kidlanganidek, uy-joy fondidan foydalanish tizimini takomillashtirish, aholining turmush sharoitlarini yaxshilash va xizmatlar sifatini oshirish bo‘yicha ishlar izchil davom ettiriladi.