Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi deputati G‘.Mirzayev o‘zi saylangan hududdagi Guliston mahalla fuqarolar yig‘inida bo‘lib, hududdagi ijtimoiy himoyaga muhtoj, kam ta’minlangan hamda bemorligi bor oilalar holidan xabar oldi. Mazkur tashrif davomida deputat xonadon egalari bilan samimiy suhbat qurib, ularning kundalik turmush tarzi, yashash sharoitlari va ularni qiynayotgan muammolarni yaqindan o‘rgandi. Xalq vakili tomonidan mazkur oilalarga kundalik ehtiyoj uchun zarur bo‘lgan oziq-ovqat mahsulotlari to‘plami topshirildi.

Xalq deputatlari viloyat Kengashi deputati G.Bobojonova hamda Xalq deputatlari Ulug‘nor tuman Kengashi deputati U.Achilovlar Katta Andijon kanali ustida barpo etilgan, Ulug‘nor va Baliqchi tumanlarini o‘zaro bog‘lovchi yangi ko‘prikda bo‘lib, uning bugungi faoliyati va aholi uchun yaratilgan qulayliklar bilan yaqindan tanishdilar.

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Xalq deputatlari tuman Kengashi kotibiyati bosh mutaxassisi G.Abduvositova hamda xalq deputatlari tuman Kengashi deputatlari U.Achilovlar tomonidan aholining qo‘shimcha daromad manbalarini o‘rganish, tomorqadan samarali foydalanish hamda oilaviy tadbirkorlikni qo‘llab-quvvatlash maqsadida o‘rganish ishlari olib borildi.

Xalq deputatlari tuman Kengashi deputati B.Avliyoqulov tomonidan Mingbuloq mahallasida aholi uchun qulay va xavfsiz infratuzilmani shakllantirish maqsadida amalga oshirilgan obodonlashtirish ishlari joyiga chiqqan holda o‘rganildi.

Xalq deputatlari viloyat Kengashi deputati G. Bobojonova hamda tuman Kengashi deputati U. Achilovlar To‘rttol mahalla fuqarolar yig‘iniga tashrif buyurib, mahallada amalga oshirilayotgan ishlar hamda “mahalla yettiligi” faoliyati bilan yaqindan tanishdi.

Xalq deputatlari viloyat Kengashi deputati G.Bobojonova hamda tuman Kengashi deputati U.Achilovlar To‘rttol mahallasida bo‘lib, aholi bilan uyma-uy yurish orqali ochiq muloqotlar o‘tkazdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasi hududida qurilishi rejalashtirilgan briket ko‘mir ishlab chiqarish korxonasi uchun ajratilgan yer maydonida bo‘lib, loyihaning amalga oshirilish jarayonlari bilan tanishdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasidagi 17-maktabgacha ta’lim tashkilotida bo‘lib, muassasaning faoliyati, tarbiya-o‘quv jarayoni va bolajonlar uchun yaratilgan shart-sharoitlar bilan yaqindan tanishdilar.

Xalq deputatlari Toshkent viloyati Kengashi deputati Abduqodir Begmatov o‘z saylov okrugidagi “Sog‘lom” mahallasida saylovchilar bilan navbatdagi uchrashuv o‘tkazdi.

#deputatlik_faoliyati

Xalq deputatlari Toshkent viloyati Kengashi deputati Abduqodir Begmatov o‘z saylov okrugidagi “Sog‘lom” mahallasida saylovchilar bilan navbatdagi uchrashuv o‘tkazdi.

Uchrashuvni mahalla fuqarolar yig‘ini raisi A. Anarchayev kirish so‘zi bilan ochib berdi. Tadbir davomida deputat o‘tgan davrdagi deputatlik faoliyati yuzasidan hisobot berib, Hukumat qarorlari hamda davlat dasturlari doirasida mahallada amalga oshirilgan ishlar haqida batafsil ma’lumot berdi. Xususan, ko‘chalarni asfaltlashtirish, ichimlik suvi ta’minotini yaxshilash kabi muhim masalalar o‘z yechimini topgani, shuningdek, shahar miqyosida olib borilayotgan islohotlar va bunyodkorlik ishlari yuzasidan fikr almashildi.

Samimiy va ochiq muloqot ruhida o‘tgan uchrashuvda mahalla faollari bugungi kunda hududda yirik muammolar deyarli mavjud emasligini alohida ta’kidladilar. Bu esa mahallada olib borilayotgan tizimli ishlarning amaliy natijasi sifatida e’tirof etildi.

Shuningdek, fuqarolar tomonidan mahalladagi chorva mollari uchun yaylov yer ajratish masalasi ko‘tarildi. Mazkur murojaat yuzasidan deputat tomonidan amaldagi qonunchilik talablari asosida huquqiy tushuntirishlar berildi, mahalla raisiga tegishli tavsiyalar bildirildi hamda masala ijrosi deputatlik nazoratiga olindi.
Uchrashuv yakunida saylovchilar bilan doimiy muloqotni davom ettirish, hududdagi mavjud masalalarni o‘z vaqtida hal etish va aholi manfaatlarini himoya qilish deputatlik faoliyatining ustuvor yo‘nalishlaridan biri ekanligi ta’kidlandi.

📱 Telegram 📱 Instagram 📱 Facebook

Slide 1 of 4