Romitan tumani hokimligi hamda tuman tibbiyot birlashmasi hamkorligida aholi o‘rtasida sog‘lom turmush tarzini keng targ‘ib etish, jismoniy faollikni oshirish hamda salomatlikni mustahkamlash maqsadida “Sog‘lomlashtirish marafoni” tadbiri tashkil etildi.
Mazkur marafon nafaqat sport tadbiri, balki sog‘lom hayot falsafasini targ‘ib qiluvchi, insonlarni faol va mazmunli hayot kechirishga undovchi muhim tashabbus ham bo’ldi.
Tadbirda 1-S.Ayniy saylov okrugi deputati, tuman hokimi U.Barnoyev hamda 4-Tarnaut saylov okrugi deputati,  Halq deputatlari tuman Kengashi raisi O.Jumayevlar boshchiligida huquqni muhofaza qiluvchi organ rahbarlari, mutasaddi tashkilot vakillari, nuroniylar, yoshlar, sportchilar hamda tibbiyot xodimlari ishtirok etdi.
Tadbir davomida ishtirokchilar sog‘lom ovqatlanish, muntazam jismoniy mashqlar bilan shug‘ullanish, kasalliklarning oldini olish va salomatlikni asrash bo‘yicha foydali tavsiyalar oldilar.
Bugungi marafon yana bir bor shuni isbotladiki, sog‘lom inson – sog‘lom oila, sog‘lom oila esa sog‘lom jamiyat poydevoridir.
Romitan tumani tibbiyot birlashmasi barcha fuqarolarni sog‘lom turmush tarziga amal qilishga va o‘z salomatligini asrashga chorladi.
"Sog‘lomlashtirish marafoni” tadbiri davomida tuman aholisiga sog‘lom turmush tarzini targ‘ib qilish, salomatlikni mustahkamlash va kasalliklarning oldini olish bo‘yicha keng ko‘lamli tushuntirish ishlari olib borildi.
Shuningdek, fuqarolarga raqamli tibbiyot xizmatlaridan samarali foydalanish maqsadida DMed ilovasining qulayliklari, undan foydalanish tartibi hamda elektron tibbiy xizmatlardan foydalanish imkoniyatlari haqida batafsil ma'lumotlar berildi.
Tadbir davomida aholi tomonidan bildirilgan samimiy minnatdorchilik va iliq fik