Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi deputati G‘.Mirzayev o‘zi saylangan hududdagi Guliston mahalla fuqarolar yig‘inida bo‘lib, hududdagi ijtimoiy himoyaga muhtoj, kam ta’minlangan hamda bemorligi bor oilalar holidan xabar oldi. Mazkur tashrif davomida deputat xonadon egalari bilan samimiy suhbat qurib, ularning kundalik turmush tarzi, yashash sharoitlari va ularni qiynayotgan muammolarni yaqindan o‘rgandi. Xalq vakili tomonidan mazkur oilalarga kundalik ehtiyoj uchun zarur bo‘lgan oziq-ovqat mahsulotlari to‘plami topshirildi.

Xalq deputatlari viloyat Kengashi deputati G.Bobojonova hamda Xalq deputatlari Ulug‘nor tuman Kengashi deputati U.Achilovlar Katta Andijon kanali ustida barpo etilgan, Ulug‘nor va Baliqchi tumanlarini o‘zaro bog‘lovchi yangi ko‘prikda bo‘lib, uning bugungi faoliyati va aholi uchun yaratilgan qulayliklar bilan yaqindan tanishdilar.

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Xalq deputatlari tuman Kengashi kotibiyati bosh mutaxassisi G.Abduvositova hamda xalq deputatlari tuman Kengashi deputatlari U.Achilovlar tomonidan aholining qo‘shimcha daromad manbalarini o‘rganish, tomorqadan samarali foydalanish hamda oilaviy tadbirkorlikni qo‘llab-quvvatlash maqsadida o‘rganish ishlari olib borildi.

Xalq deputatlari tuman Kengashi deputati B.Avliyoqulov tomonidan Mingbuloq mahallasida aholi uchun qulay va xavfsiz infratuzilmani shakllantirish maqsadida amalga oshirilgan obodonlashtirish ishlari joyiga chiqqan holda o‘rganildi.

Xalq deputatlari viloyat Kengashi deputati G. Bobojonova hamda tuman Kengashi deputati U. Achilovlar To‘rttol mahalla fuqarolar yig‘iniga tashrif buyurib, mahallada amalga oshirilayotgan ishlar hamda “mahalla yettiligi” faoliyati bilan yaqindan tanishdi.

Xalq deputatlari viloyat Kengashi deputati G.Bobojonova hamda tuman Kengashi deputati U.Achilovlar To‘rttol mahallasida bo‘lib, aholi bilan uyma-uy yurish orqali ochiq muloqotlar o‘tkazdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasi hududida qurilishi rejalashtirilgan briket ko‘mir ishlab chiqarish korxonasi uchun ajratilgan yer maydonida bo‘lib, loyihaning amalga oshirilish jarayonlari bilan tanishdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasidagi 17-maktabgacha ta’lim tashkilotida bo‘lib, muassasaning faoliyati, tarbiya-o‘quv jarayoni va bolajonlar uchun yaratilgan shart-sharoitlar bilan yaqindan tanishdilar.

Xalq deputatlari Chilonzor tumani Kengashi deputati, O‘zLiDeP a’zosi Sultonov Bahodir “Renessans TV” telekanalining “O‘zbekistonda tadbirkorlik va ishbilarmonlik muhitini yaxshilash borasida islohotlar” mavzusidagi ko‘rsatuvida ishtirok etdi.

Ko‘rsatuv davomida B.Sultonov tadbirkor va xalq vakili sifatida mamlakatimizda tadbirkorlikni qo‘llab-quvvatlash, ishbilarmonlik muhitini yanada yaxshilash hamda xususiy sektorni rivojlantirish borasida amalga oshirilayotgan islohotlar yuzasidan o‘z fikr-mulohazalarini bildirdi.

Ta’kidlanganidek, so‘nggi yillarda biznes yuritish uchun yaratilayotgan qulay shart-sharoitlar, ma’muriy tartib-taomillarning soddalashtirilishi, tadbirkorlarning huquq va manfaatlarini himoya qilishga qaratilgan chora-tadbirlar hamda raqamli xizmatlarning keng joriy etilishi tadbirkorlik faoliyatini rivojlantirishda muhim omil bo‘lib xizmat qilmoqda.

Deputat o‘z nutqida tadbirkorlikni rivojlantirish orqali aholi bandligini ta’minlash, ayniqsa, yoshlar uchun yangi ish o‘rinlarini yaratish bugungi kunning eng muhim vazifalaridan biri ekanini alohida ta’kidladi. Uning fikricha, tadbirkorlikni qo‘llab-quvvatlashga qaratilgan islohotlar yoshlarning mehnat bozorida munosib o‘rin egallashi, ularning tashabbus va g‘oyalarini ro‘yobga chiqarishi hamda oilalar farovonligini oshirishga xizmat qilmoqda.

Shu bilan birga, deputat tadbirkorlik faoliyatini yanada rivojlantirish yo‘lida ayrim muammolar hamon saqlanib qolayotganiga ham e’tibor qaratdi. Xususan, gaz, suv va elektr ta’minoti bilan bog‘liq ayrim tashkilotlar faoliyatida byurokratik yondashuv, murojaatlarga mas’uliyat bilan yondashmaslik hamda xizmat ko‘rsatish jarayonlaridagi ortiqcha ovoragarchilik holatlari uchrab turayotganini qayd etdi. Uning ta’kidlashicha, tadbirkorlar uchun yanada qulay ishbilarmonlik muhitini yaratish maqsadida davlat xizmatlari sifati va mas’uliyatini oshirish, mavjud to‘siqlarni bartaraf etish bo‘yicha ishlarni izchil davom ettirish zarur.

Shuningdek, mamlakatimizda investitsiyaviy muhitni yaxshilash, xususiy mulk daxlsizligini ta’minlash va tadbirkorlik subyektlarini qo‘llab-quvvatlashga qaratilgan islohotlarning izchil davom ettirilishi iqtisodiyotning barqaror rivojlanishi, aholi farovonligini yuksaltirish hamda yoshlar bandligini ta’minlashga xizmat qilishi alohida qayd etildi.

Slide 1 of 2