Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi deputati B.Avliyoqulov Mingbuloq mahallasida bo‘lib, hududda amalga oshirilayotgan obodonlashtirish va infratuzilmani yaxshilash ishlari doirasida o‘rnatilayotgan suv lotoklarini o‘rnatish jarayoni bilan yaqindan tanishdi.

Xalq deputatlari tuman Kengashi raisi X.Raximov O‘zbekiston mahallasida bo‘lib, hududda amalga oshirilayotgan obodonlashtirish va ko‘kalamzorlashtirish ishlarining borishi bilan tanishdi

Xalq deputatlari tuman Kengashi deputati A.Qodirov o‘z saylov okrugida joylashgan Yangiobod mahalla fuqarolar yig‘inida bo‘lib, mahalla faollari bilan uchrashuv o‘tkazdi.

Nogironligi bo‘lgan bolalarga bayramona e’tibor va g‘amxo‘rlik ko‘rsatildi

Xalq deputatlari tuman Kengashi raisi X.Raximov Bobur mahallasida bo‘lib, mahallada faoliyat yuritayotgan yoshlar yetakchisining ish faoliyati bilan yaqindan tanishdi.

Xalq deputatlari tuman Kengashi raisi X.Raximov Namuna mahalla fuqarolar yig‘inida bo‘lib, mahallada olib borilayotgan ishlar hamda mahalla raisining faoliyati bilan yaqindan tanishdi.

Xalq deputatlari tuman Kengashi deputati X.Atajonova tomonidan Ulug‘bek mahalla fuqarolar yig‘inida navbatdagi fuqarolar qabuli o‘tkazildi.

Xalq deputatlari tuman Kengashi raisi X.Raximov tomonidan og‘ir mahalla toifasiga kiritilgan Yoshlik mahallasida amalga oshirilayotgan obodonlashtirish va infratuzilmani yaxshilash ishlarining borishi o‘rganildi.

Xalq deputatlari tuman Kengashi deputati X.Xamidov O‘zbekiston Respublikasi Prezidentining 2026-yil 16-fevraldagi PQ–62-sonli qarori ijrosini ta’minlash maqsadida Mingchinor mahallasi hududida qurilishi boshlangan tikuvchilik korxonasida bo‘lib, qurilish ishlarining borishi bilan tanishdi.

Xalq deputatlari tuman Kengashi raisi X.Raximov Uchko‘prik mahallasiga tashrif buyurib, hududda tashkil etilayotgan baliq va baliq urug‘i yetishtirish laboratoriyasi ish jarayonlari bilan yaqindan tanishdi.

O‘zbekiston Respublikasining “Tomorqa xo‘jaligi to‘g‘risida”gi Qonuni – aholi farovonligi va oziq-ovqat xavfsizligi kafolati

O‘zbekiston Respublikasining “Tomorqa xo‘jaligi to‘g‘risida”gi Qonuni – aholi farovonligi va oziq-ovqat xavfsizligi kafolati

2021-yil 1-aprelda qabul qilingan O‘RQ-681-sonli “Tomorqa xo‘jaligi to‘g‘risida”gi Qonun tomorqa xo‘jaliklarini yuritish va rivojlantirish sohasidagi munosabatlarni tartibga solishga xizmat qiladi. Mazkur qonun tomorqa yer uchastkalaridan samarali foydalanish, aholi bandligini ta’minlash hamda oilalar daromadini oshirish uchun muhim huquqiy asos yaratdi.

Qonunga ko‘ra, tomorqa xo‘jaligi – shaxsiy tomorqa yer uchastkasida qishloq xo‘jaligi mahsulotlarini oila ehtiyojlari va erkin savdo uchun yetishtirish bilan bog‘liq faoliyat hisoblanadi. Bunda tomorqa xo‘jaligi tadbirkorlik faoliyati sifatida e’tirof etilmaydi va uni davlat ro‘yxatidan o‘tkazish talab qilinmaydi.

Tomorqa yerida yetishtirilgan mahsulotlar tomorqa egasining xususiy mulki hisoblanadi. Qonun fuqarolarning tomorqa xo‘jaliklarini rivojlantirish, mahsulot yetishtirish va realizatsiya qilish bo‘yicha huquqlarini kafolatlaydi.

Shuningdek, tomorqa xo‘jaligida faoliyat yuritayotgan fuqarolar qonunchilikda belgilangan tartibda o‘zini o‘zi band qilgan shaxs maqomini olishlari mumkin. Bu esa ularning mehnat faoliyatini rasmiylashtirish va ijtimoiy himoya imkoniyatlarini kengaytiradi.

Tomorqa xo‘jaliklarini qo‘llab-quvvatlash orqali aholi bandligini oshirish, oziq-ovqat mahsulotlari yetishtirish hajmini ko‘paytirish va oilalar farovonligini mustahkamlashga erishilmoqda.