Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi raisi X.Raximov Namuna mahalla fuqarolar yig‘inida bo‘lib, mahallada olib borilayotgan ishlar hamda mahalla raisining faoliyati bilan yaqindan tanishdi.

Xalq deputatlari tuman Kengashi deputati X.Atajonova tomonidan Ulug‘bek mahalla fuqarolar yig‘inida navbatdagi fuqarolar qabuli o‘tkazildi.

Xalq deputatlari tuman Kengashi raisi X.Raximov tomonidan og‘ir mahalla toifasiga kiritilgan Yoshlik mahallasida amalga oshirilayotgan obodonlashtirish va infratuzilmani yaxshilash ishlarining borishi o‘rganildi.

Xalq deputatlari tuman Kengashi deputati X.Xamidov O‘zbekiston Respublikasi Prezidentining 2026-yil 16-fevraldagi PQ–62-sonli qarori ijrosini ta’minlash maqsadida Mingchinor mahallasi hududida qurilishi boshlangan tikuvchilik korxonasida bo‘lib, qurilish ishlarining borishi bilan tanishdi.

Xalq deputatlari tuman Kengashi raisi X.Raximov Uchko‘prik mahallasiga tashrif buyurib, hududda tashkil etilayotgan baliq va baliq urug‘i yetishtirish laboratoriyasi ish jarayonlari bilan yaqindan tanishdi.

Xalq deputatlari tuman Kengashi raisi X.Raximov tomonidan mahalla binolarini qurish va rekonstruksiya qilish ishlarining borishi yuzasidan o‘rganish ishlari amalga oshirildi

Xalq deputatlari tuman Kengashi kotibiyati mudiri G.Bobojonova tomonidan tumandagi 2-davlat maktabgacha ta’lim tashkiloti faoliyati o‘rganildi.

Xalq deputatlari Ulug‘nor tumani 20-Uchko‘prik saylov okrugi deputati Alimov Dilshodbek G‘ulomovich tomonidan o‘zi saylangan saylov okrugida O‘zbekiston Respublikasi Prezidentining 2026-yil 16-fevral kungi “Andijon viloyatini ijtimoiy-iqtisodiy rivojlantirishga qaratilgan chora-tadbirlarni yanada jadallashtirish to‘g‘risida”gi PQ-62-sonli qarori ijrosini ta’minlash yuzasidan tizimli nazorat tadbirlari o‘tkazildi.

Xalq deputatlari Ulug'nor tumani Kengashi deputati U.Achilov tomonidan aholini qiynayotgan muammolarni joyida o‘rganish va ularga tezkor yechim topish maqsadida To‘rttol mahallasida amaliy uchrashuv tashkil etildi.

Xalq deputatlari tuman Kengashi deputati U.Achilov tomonidan aholi bilan muloqotni kuchaytirish, mahallada olib borilayotgan ishlar samaradorligini oshirish hamda mavjud muammolarni joyida hal etish maqsadida To‘rttol mahallasida faoliyat olib borayotgan “Mahalla yettiligi” a’zolari bilan uchrashuv tashkil etildi.

12-may — Xalqaro hamshiralar kuni

12-may — Xalqaro hamshiralar kuni

Xalq deputatlari Sariosiyo tumani Kengashi yurtimizdagi barcha hamshiralarni bugungi kasb bayrami — Xalqaro hamshiralar kuni bilan samimiy muborakbod etadi.
Hamshiralik kasbi — bu nafaqat bilim va tajriba, balki ulkan sabr-toqat, mehr-oqibat, insonparvarlik va mas’uliyatni talab qiladigan sharafli va mashaqqatli kasbdir. Sizlar har kuni minglab insonlarning dardiga malham bo‘lib, ularga umid, ishonch va dalda ulashasizlar.

Shifoxona va tibbiyot muassasalaridagi uzluksiz mehnatingiz, bemorlarga bo‘lgan samimiy munosabatingiz, kasbingizga bo‘lgan sadoqatingiz tahsinga sazovordir. Ayniqsa, murakkab vaziyatlarda ham kasbiy burchingizga sodiq qolib, inson hayoti va salomatligi uchun olib borayotgan fidokorona faoliyatingiz jamiyatimiz uchun nihoyatda qadrlidir.

Har bir sog‘aygan bemor quvonchida, har bir oilaning minnatdor nigohida sizning mashaqqatli mehnatingiz va mehringiz mujassam. Sizlar shifokorlarning eng yaqin ko‘makchisi, tibbiyot tizimining tayanchi va inson salomatligi posbonisiz.

🫥 Bugungi kunda mamlakatimizda sog‘liqni saqlash tizimini rivojlantirish, tibbiyot xodimlarini qo‘llab-quvvatlash hamda ularning munosib mehnat qilishi uchun keng imkoniyatlar yaratishga alohida e’tibor qaratilmoqda. Bu yo‘lda sizlarning o‘rningiz va hissangiz beqiyosdir.

Aziz va qadrli hamshiralar!

Sizlarga mustahkam sog‘liq, cheksiz kuch-g‘ayrat, oilaviy baxt-saodat, kasbiy faoliyatingizda ulkan muvaffaqiyatlar va xonadonlaringizga fayz-u baraka tilaymiz.

Mehr va insoniylikka yo‘g‘rilgan sharafli kasbingizda doimo el ardog‘ida bo‘ling!
Xalqaro hamshiralar kuni muborak bo‘lsin!

Slide 1 of 1