Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi deputati G‘.Mirzayev o‘zi saylangan hududdagi Guliston mahalla fuqarolar yig‘inida bo‘lib, hududdagi ijtimoiy himoyaga muhtoj, kam ta’minlangan hamda bemorligi bor oilalar holidan xabar oldi. Mazkur tashrif davomida deputat xonadon egalari bilan samimiy suhbat qurib, ularning kundalik turmush tarzi, yashash sharoitlari va ularni qiynayotgan muammolarni yaqindan o‘rgandi. Xalq vakili tomonidan mazkur oilalarga kundalik ehtiyoj uchun zarur bo‘lgan oziq-ovqat mahsulotlari to‘plami topshirildi.

Xalq deputatlari viloyat Kengashi deputati G.Bobojonova hamda Xalq deputatlari Ulug‘nor tuman Kengashi deputati U.Achilovlar Katta Andijon kanali ustida barpo etilgan, Ulug‘nor va Baliqchi tumanlarini o‘zaro bog‘lovchi yangi ko‘prikda bo‘lib, uning bugungi faoliyati va aholi uchun yaratilgan qulayliklar bilan yaqindan tanishdilar.

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Xalq deputatlari tuman Kengashi kotibiyati bosh mutaxassisi G.Abduvositova hamda xalq deputatlari tuman Kengashi deputatlari U.Achilovlar tomonidan aholining qo‘shimcha daromad manbalarini o‘rganish, tomorqadan samarali foydalanish hamda oilaviy tadbirkorlikni qo‘llab-quvvatlash maqsadida o‘rganish ishlari olib borildi.

Xalq deputatlari tuman Kengashi deputati B.Avliyoqulov tomonidan Mingbuloq mahallasida aholi uchun qulay va xavfsiz infratuzilmani shakllantirish maqsadida amalga oshirilgan obodonlashtirish ishlari joyiga chiqqan holda o‘rganildi.

Xalq deputatlari viloyat Kengashi deputati G. Bobojonova hamda tuman Kengashi deputati U. Achilovlar To‘rttol mahalla fuqarolar yig‘iniga tashrif buyurib, mahallada amalga oshirilayotgan ishlar hamda “mahalla yettiligi” faoliyati bilan yaqindan tanishdi.

Xalq deputatlari viloyat Kengashi deputati G.Bobojonova hamda tuman Kengashi deputati U.Achilovlar To‘rttol mahallasida bo‘lib, aholi bilan uyma-uy yurish orqali ochiq muloqotlar o‘tkazdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasi hududida qurilishi rejalashtirilgan briket ko‘mir ishlab chiqarish korxonasi uchun ajratilgan yer maydonida bo‘lib, loyihaning amalga oshirilish jarayonlari bilan tanishdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasidagi 17-maktabgacha ta’lim tashkilotida bo‘lib, muassasaning faoliyati, tarbiya-o‘quv jarayoni va bolajonlar uchun yaratilgan shart-sharoitlar bilan yaqindan tanishdilar.

Mahalladagi muammolarni joyida hal etish: Sayyor qabulda muammolar yechimini topdi

Sayyor qabulda Xalq deputatlari Termiz shahar Kengashi deputati, shahar hokimi Sh.Lolayev boshchiligida, Kengash kotibiyati mudiri A.Ashurov hamda bir guruh shahar Kengashi deputatlari ishtirok etdilar. Shuningdek, shahar hokimligi, sog‘liqni saqlash, ta’lim, ijtimoiy himoya, bandlik hamda elektr energiyasi, gaz va suv ta’minoti korxonalari mas’ullari ham jalb qilindi.

🔅Qabul davomida kelib tushgan murojaatlarning 56 tasiga shu joyning o‘zida ijobiy yechim topildi. Bu esa fuqarolar murojaatlarini tezkor, sifatli va samarali hal etishning amaliy namunasini ko‘rsatdi. Qolgan murojaatlar bo‘yicha esa nazorat o‘rnatilib, ijro muddati belgilandi.

💬 Sayyor qabul jarayonida aholining kundalik hayotiga taalluqli eng muhim muammolar muhokama qilindi:

✔️

Bandlik va tadbirkorlik: Yangi ish o‘rinlarini yaratish, tadbirkorlikni boshlash uchun zarur ko‘mak va imtiyozli kreditlar ajratish.

✔️ Ijtimoiy himoya: Ko‘makka muhtoj oilalar, nogironligi bo‘lgan shaxslar va yolg‘iz keksalar uchun zarur ijtimoiy yordamlarni taqdim etish.

✔️ Tibbiy xizmat sifatini oshirish: Tibbiy muassasalarga yo‘naltirish, davolash masalalarida ko‘maklashish.

✔️ Kommunal xizmatlar: Elektr, gaz, suv ta’minotidagi uzilishlar va boshqa muammolarni bartaraf etish.

✔️ Kredit olish imkoniyatlari: Tadbirkorlikni rivojlantirish yoki ijtimoiy muammolarni hal etish uchun zarur kreditlarni olish tartiblari bo‘yicha tushuntirishlar berildi.

🫥Sayyor qabulning asosiy maqsadi — fuqarolar bilan ochiq muloqot o‘rnatish, ularning muammolarini tezkor va sifatli hal etish orqali yurtimizda "inson qadri" tamoyilini yanada mustahkamlashdir. Ushbu tadbir aholining davlat va mahalliy hokimiyat organlariga bo‘lgan ishonchini oshirishga xizmat qildi.

Slide 1 of 4