Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari Ulug‘nor tumani 20-Uchko‘prik saylov okrugi deputati Alimov Dilshodbek G‘ulomovich tomonidan o‘zi saylangan saylov okrugida O‘zbekiston Respublikasi Prezidentining 2026-yil 16-fevral kungi “Andijon viloyatini ijtimoiy-iqtisodiy rivojlantirishga qaratilgan chora-tadbirlarni yanada jadallashtirish to‘g‘risida”gi PQ-62-sonli qarori ijrosini ta’minlash yuzasidan tizimli nazorat tadbirlari o‘tkazildi.

Xalq deputatlari Ulug'nor tumani Kengashi deputati U.Achilov tomonidan aholini qiynayotgan muammolarni joyida o‘rganish va ularga tezkor yechim topish maqsadida To‘rttol mahallasida amaliy uchrashuv tashkil etildi.

Xalq deputatlari tuman Kengashi deputati U.Achilov tomonidan aholi bilan muloqotni kuchaytirish, mahallada olib borilayotgan ishlar samaradorligini oshirish hamda mavjud muammolarni joyida hal etish maqsadida To‘rttol mahallasida faoliyat olib borayotgan “Mahalla yettiligi” a’zolari bilan uchrashuv tashkil etildi.

Xalq deputatlari tuman Kengashi deputati K.G‘oziyev hamda kotibiyat xodimlari tomonidan tumandagi 11-umumta’lim maktabida o‘quvchilarning sportga jalb etilishi, mavjud sport to‘garaklari faoliyati, shuningdek, sport jihozlari va sport zallarining holati o‘rganildi.

Xalq deputatlari tuman Kengashining Agrar, suv xo‘jaligi va ekologiya masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Xalq deputatlari tuman Kengashi deputati E.Abdullayev tumandagi 3-umumta’lim maktabiga tashrif buyurib, yoshlar bilan ochiq muloqot o‘tkazdi.

Xalq deputatlari Ulug‘nor tumani Kengashi raisi X.Raximov tomonidan Kelajak mahallasi uchun barpo etilayotgan yangi ma’muriy bino qurilishi holati joyiga chiqib o‘rganildi.

Xalq deputatlari tuman Kengashi deputati K.G‘oziyev hamda tuman Kengashi kotibiyati bosh mutaxassislari J.Axmadaliyev va G.Abduvositovalar tomonidan Oq-tom mahallasida amaliy o‘rganish ishlari olib borildi.

Xalq deputatlari tuman Kengashi deputati X.Atajonova o‘z saylov okrugida joylashgan 21-sonli umumta’lim maktabiga tashrif buyurib, ta’lim muassasasida olib borilayotgan ishlar bilan yaqindan tanishdi.

Xalq deputatlari viloyat Kengashi deputati G.Bobojonova hamda tuman Kengashi deputati X.Atajonovalar tomonidan Ulug‘bek mahalla fuqarolar yig‘inida amalga oshirilayotgan qurilish ishlari holati o‘rganildi.

Aholi muammolari tinglandi - kommunal xizmatlar sifati muhokamada

Aholi muammolari tinglandi - kommunal xizmatlar sifati muhokamada

🇺🇿 Xalq deputatlari Uchtepa tumani Kengashining “19-Farhod” saylov okrugi deputati Tuxtasinov Ilhomjon Madaminovich tomonidan tuman hokimligi mas’ul rahbarlari bilan birgalikda saylangan hududda fuqarolar bilan uchrashuv tashkil etildi. Mazkur uchrashuvda deputatning navbatdagi fuqarolar qabuli sifatida “Ko‘hna Cho‘pon ota” mahalla fuqarolar yig‘inida o‘tkazildi.

📊 Uchrashuv davomida hududdagi boshqaruv servis kompaniyalari (BSK) faoliyati ham atroflicha o‘rganildi. Aniqlanishicha, mazkur mahalla hududiga 2 ta — “Elga xizmat” va “Ariba klass” boshqaruv servis kompaniyalari xizmat ko‘rsatadi. Biroq fuqarolar tomonidan ushbu tashkilotlar faoliyatidan qoniqarsiz holatlar mavjudligi bildirildi.

💬 Xususan, 5-A ko‘p qavatli uy aholisi “Elga xizmat” BSK tomonidan ko‘rsatilayotgan xizmatlar sifati pastligi, ayrim hollarda esa umuman ko‘rsatilmagan xizmatlar uchun ortiqcha to‘lovlar talab qilinayotganidan norozilik bildirishdi. Shu munosabat bilan deputat va mas’ullar tomonidan BSK idorasiga borilib, 24 soatlik dispetcherlik xizmati faoliyati, ishchi-xodimlar holati hamda moddiy-texnik baza tanqidiy o‘rganildi.

❗️ Shuningdek, uchrashuvda 13/1-A uyda joylashgan 75-xonadon aholisidan biri — fuqaro X.Qosimova tomonidan uy oldidan o‘tuvchi ariqqa suv to‘planib qolishi muammosi ko‘tarildi. Ushbu holat sanitariya va yashash sharoitlariga salbiy ta’sir ko‘rsatayotgani qayd etildi.

📁 Uchrashuv davomida fuqarolar tomonidan bildirilgan barcha muammo va kamchiliklar qayd etilib, ularni bartaraf etish yuzasidan tegishli choralar ko‘rish maqsadida tuman hokimining o‘rinbosariga deputatlik so‘rovi kiritilishi belgilandi.

Slide 1 of 8