Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari Ulug‘nor tumani 20-Uchko‘prik saylov okrugi deputati Alimov Dilshodbek G‘ulomovich tomonidan o‘zi saylangan saylov okrugida O‘zbekiston Respublikasi Prezidentining 2026-yil 16-fevral kungi “Andijon viloyatini ijtimoiy-iqtisodiy rivojlantirishga qaratilgan chora-tadbirlarni yanada jadallashtirish to‘g‘risida”gi PQ-62-sonli qarori ijrosini ta’minlash yuzasidan tizimli nazorat tadbirlari o‘tkazildi.

Xalq deputatlari Ulug'nor tumani Kengashi deputati U.Achilov tomonidan aholini qiynayotgan muammolarni joyida o‘rganish va ularga tezkor yechim topish maqsadida To‘rttol mahallasida amaliy uchrashuv tashkil etildi.

Xalq deputatlari tuman Kengashi deputati U.Achilov tomonidan aholi bilan muloqotni kuchaytirish, mahallada olib borilayotgan ishlar samaradorligini oshirish hamda mavjud muammolarni joyida hal etish maqsadida To‘rttol mahallasida faoliyat olib borayotgan “Mahalla yettiligi” a’zolari bilan uchrashuv tashkil etildi.

Xalq deputatlari tuman Kengashi deputati K.G‘oziyev hamda kotibiyat xodimlari tomonidan tumandagi 11-umumta’lim maktabida o‘quvchilarning sportga jalb etilishi, mavjud sport to‘garaklari faoliyati, shuningdek, sport jihozlari va sport zallarining holati o‘rganildi.

Xalq deputatlari tuman Kengashining Agrar, suv xo‘jaligi va ekologiya masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Xalq deputatlari tuman Kengashi deputati E.Abdullayev tumandagi 3-umumta’lim maktabiga tashrif buyurib, yoshlar bilan ochiq muloqot o‘tkazdi.

Xalq deputatlari Ulug‘nor tumani Kengashi raisi X.Raximov tomonidan Kelajak mahallasi uchun barpo etilayotgan yangi ma’muriy bino qurilishi holati joyiga chiqib o‘rganildi.

Xalq deputatlari tuman Kengashi deputati K.G‘oziyev hamda tuman Kengashi kotibiyati bosh mutaxassislari J.Axmadaliyev va G.Abduvositovalar tomonidan Oq-tom mahallasida amaliy o‘rganish ishlari olib borildi.

Xalq deputatlari tuman Kengashi deputati X.Atajonova o‘z saylov okrugida joylashgan 21-sonli umumta’lim maktabiga tashrif buyurib, ta’lim muassasasida olib borilayotgan ishlar bilan yaqindan tanishdi.

Xalq deputatlari viloyat Kengashi deputati G.Bobojonova hamda tuman Kengashi deputati X.Atajonovalar tomonidan Ulug‘bek mahalla fuqarolar yig‘inida amalga oshirilayotgan qurilish ishlari holati o‘rganildi.

Deputatlar nazoratida: “Qahramon” MFYda maktab qurilishi boshlandi

Deputatlar nazoratida: “Qahramon” MFYda maktab qurilishi boshlandi

Xalq manfaatini ko‘zlab chiqarilgan deputatlik so‘rovlari shunchaki qog‘ozda qolib ketmaydi. Buning isbotini bugun Termiz tumanidagi o‘rganishlar davomida ko‘rish mumkin.

Tashrif tafsilotlari: Xalq deputatlari viloyat Kengashi deputati Salomat Nazarova, Termiz tuman Kengashi raisi S.Nazarov, kotibiyat mudiri A.Avliyokulov hamda deputatlar Sh.Norsayev va S.Xakimovlar birgalikda tumandagi “Qahramon” MFY hududida bo‘ldilar.

Asosiy maqsad: Ushbu hududda yangi umumta’lim maktabi qurilishi bo‘yicha deputat S.Xakimov tomonidan chiqarilgan so‘rov ijrosini ko‘zdan kechirish. Ta’kidlash joizki, tumanning bo‘lib o‘tgan 17-sessiyasida mazkur loyiha bo‘yicha chiqarilgan deputatlik so‘rovning natijasi haqida hozirgi kun haloti haqida savol javoblar bo‘lib o‘tgan edi.

O‘rganish natijalari:

O‘rganish davomida ma’lum bo‘ldiki, ayni vaqtda:

Yangi maktab qurilishi uchun yer maydoni to‘liq ajratilgan;

Loyiha doirasida 330 o‘rinli zamonaviy o‘quv binosi hamda 12x24 o‘lchamdagi keng va shinam sport zali qurilishi ishlari jadal boshlab yuborilgan.

Deputatlar qurilish maydonida bo‘lib, ish sifati va muddatlari bilan yaqindan tanishdilar. Bu kabi loyihalar hududdagi yoshlarning zamonaviy bilim olishlari va sport bilan muntazam shug‘ullanishlari uchun munosib sharoit yaratishga xizmat qiladi.

"Biz uchun asosiysi — qog‘ozdagi hisobot emas, balki qishloq yoshlarining zamonaviy va xavfsiz maktabda ta’lim olishidir. Bu loyihaning har bir kuni bizning nazoratimizda bo‘ladi," — deya ta'kidlashdi deputatlar.

Slide 1 of 5