Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi deputati X.Xamidov O‘zbekiston Respublikasi Prezidentining 2026-yil 16-fevraldagi PQ–62-sonli qarori ijrosini ta’minlash maqsadida Mingchinor mahallasi hududida qurilishi boshlangan tikuvchilik korxonasida bo‘lib, qurilish ishlarining borishi bilan tanishdi.

Xalq deputatlari tuman Kengashi raisi X.Raximov Uchko‘prik mahallasiga tashrif buyurib, hududda tashkil etilayotgan baliq va baliq urug‘i yetishtirish laboratoriyasi ish jarayonlari bilan yaqindan tanishdi.

Xalq deputatlari tuman Kengashi raisi X.Raximov tomonidan mahalla binolarini qurish va rekonstruksiya qilish ishlarining borishi yuzasidan o‘rganish ishlari amalga oshirildi

Xalq deputatlari tuman Kengashi kotibiyati mudiri G.Bobojonova tomonidan tumandagi 2-davlat maktabgacha ta’lim tashkiloti faoliyati o‘rganildi.

Xalq deputatlari Ulug‘nor tumani 20-Uchko‘prik saylov okrugi deputati Alimov Dilshodbek G‘ulomovich tomonidan o‘zi saylangan saylov okrugida O‘zbekiston Respublikasi Prezidentining 2026-yil 16-fevral kungi “Andijon viloyatini ijtimoiy-iqtisodiy rivojlantirishga qaratilgan chora-tadbirlarni yanada jadallashtirish to‘g‘risida”gi PQ-62-sonli qarori ijrosini ta’minlash yuzasidan tizimli nazorat tadbirlari o‘tkazildi.

Xalq deputatlari Ulug'nor tumani Kengashi deputati U.Achilov tomonidan aholini qiynayotgan muammolarni joyida o‘rganish va ularga tezkor yechim topish maqsadida To‘rttol mahallasida amaliy uchrashuv tashkil etildi.

Xalq deputatlari tuman Kengashi deputati U.Achilov tomonidan aholi bilan muloqotni kuchaytirish, mahallada olib borilayotgan ishlar samaradorligini oshirish hamda mavjud muammolarni joyida hal etish maqsadida To‘rttol mahallasida faoliyat olib borayotgan “Mahalla yettiligi” a’zolari bilan uchrashuv tashkil etildi.

Xalq deputatlari tuman Kengashi deputati K.G‘oziyev hamda kotibiyat xodimlari tomonidan tumandagi 11-umumta’lim maktabida o‘quvchilarning sportga jalb etilishi, mavjud sport to‘garaklari faoliyati, shuningdek, sport jihozlari va sport zallarining holati o‘rganildi.

Xalq deputatlari tuman Kengashining Agrar, suv xo‘jaligi va ekologiya masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Xalq deputatlari tuman Kengashi deputati E.Abdullayev tumandagi 3-umumta’lim maktabiga tashrif buyurib, yoshlar bilan ochiq muloqot o‘tkazdi.

DEPUTATLIK FAOLIYATIDAN

Savdo nuqtalarida narx-navo va qonunchilik ijrosi o‘rganildi.

Xalq deputatlari G‘ozg‘on shahar Kengashi deputati O.Sharipov tomonidan shahardagi savdo nuqtalarida oziq-ovqat va kundalik iste’mol mahsulotlari narx-navosi joyiga chiqib o‘rganildi.

O‘rganish jarayonida mahsulotlar narxining shakllanishi, ularning asosliligi, savdo madaniyati, mahsulotlar sifati hamda iste’molchilar huquqlariga rioya etilishi holati tanqidiy-tahliliy asosda ko‘rib chiqildi.

Mazkur o‘rganishlar O‘zbekiston Respublikasining 2012-yil 2-maydagi “Tadbirkorlik faoliyati erkinligining kafolatlari to‘g‘risida”gi Qonuniga o‘zgartish va qo‘shimchalar kiritish haqida”gi O‘RQ-328-sonli Qonuni talablari asosida amalga oshirildi. Qonun doirasida tadbirkorlik subyektlari faoliyatining erkinligi, ularning huquq va manfaatlarini himoya qilish, shuningdek savdo jarayonlarida qonuniylikni ta’minlash masalalariga alohida e’tibor qaratildi.

O‘rganish davomida:

asosiy oziq-ovqat mahsulotlari narxlarining barqarorligi va asosliligi;

narxlarning ochiq va aniq ko‘rsatilishi;

mahsulotlarning sifati va yaroqlilik muddati;

savdo nuqtalarida sanitariya-gigiyena talablariga rioya etilishi;

tadbirkorlik faoliyatini yuritishda qonunchilikka amal qilinishi holati tahlil qilindi.

Shuningdek, tadbirkorlik subyektlariga qonun doirasida faoliyat yuritish, narx-navoni sun’iy oshirishga yo‘l qo‘ymaslik, iste’molchilarga sifatli va xavfsiz mahsulotlar taqdim etish bo‘yicha tushuntirishlar berildi.

Aniqlangan kamchiliklarni bartaraf etish, savdo madaniyatini oshirish, narxlar barqarorligini ta’minlash hamda qonunchilik talablariga qat’iy rioya etish yuzasidan tegishli tavsiyalar berildi.

Mazkur o‘rganish ishlari tadbirkorlik faoliyatini qo‘llab-quvvatlash, iste’molchilar huquqlarini himoya qilish hamda bozorlarda sog‘lom raqobat muhitini shakllantirishga xizmat qiladi.

Slide 1 of 5