Deputatlik faoliyatining eng muhim yo‘nalishlari bo‘yicha belgilangan 24 ta ustuvor tavsiyalarga asosan Boshqaruv Servis Kompaniyalari foaliyatini Ishchi guruh tomonidan o‘rganish. 

Xalq deputatlari Olmazor tuman Kengashi deputatlari tomonidan O‘zbekiston Respublikasi Prezidendining 2026-yil 7-fevraldagi PQ-48-son qarori ijrosini ta'minlash maqsadida tumandagi boshqaruv kompaniyalari faoliyati hamda koʻp kvartirali uylarni boshqarish tizimini yanada takomillashtirish yuzasidan joyiga chiqib o‘rganildi.

Mazkur o‘rganishlardan ko‘zlangan asosiy maqsad — ko‘p qavatli uy-joylarda yashovchi aholiga yaratilgan shart-sharoitlarni yaxshilash, mavjud muammolarni aniqlash, boshqaruv kompaniyalari faoliyatining samaradorligini oshirish hamda kommunal xizmatlar sifatini yanada takomillashtirishdan iborat bo‘ldi.

O‘rganish ishlari davomida ishchi guruh tomonidan quyidagi yo‘nalishlarga alohida e’tibor qaratildi:

🔹 ko‘p qavatli uylarning ichki yo‘laklari (pod’ezdlar) sanitariya holati, devor va shift qismlarining saqlanish darajasi hamda umumiy foydalanish joylaridagi yoritish tizimlarining ishlash holati;

🔹 uylarning yerto‘la qismlaridan foydalanish darajasi, ularning texnik holati, muhandislik-kommunikatsiya tarmoqlarining saqlanishi, namlik va chiqindilar mavjudligi yuzasidan holat;

🔹 ko‘p qavatli uylar atrof hududlarining obodonlashtirilganligi, bolalar maydonchalari, yashil hududlar hamda piyodalar yo‘laklarining holati;

🔹 tashqi va ichki yoritish tizimlarining ishlash darajasi, tungi vaqtda xavfsiz harakatlanish uchun yaratilgan sharoitlar;

🔹 uy-joylarda mavjud lift xo‘jaligining texnik holati, ularning muntazam ishlashi, texnik xizmat ko‘rsatish sifati hamda xavfsizlik talablariga rioya etilishi;

🔹 maishiy chiqindilarni o‘z vaqtida olib chiqish tizimi, chiqindi tashlash shaxobchalarining sanitariya holati hamda xizmat ko‘rsatish tashkilotlari bilan hamkorlik darajasi;

🔹 umumiy foydalanishdagi elektr ta’minoti tizimlari va hisoblash uskunalarining texnik holati, energiya ta’minotidagi mavjud muammolar.

O‘rganish jarayonida ayrim ko‘p qavatli uylarning pod’ezdlarida joriy ta’mirlash ishlarini amalga oshirish zarurligi, yerto‘la qismlarini tartibga keltirish, tashqi yoritish tizimlarini yaxshilash hamda chiqindilarni olib chiqish tizimini yanada takomillashtirish bo‘yicha taklif va tavsiyalar ishlab chiqildi.

Shuningdek, boshqaruv kompaniyalari tomonidan aholiga ko‘rsatilayotgan xizmatlar sifatini oshirish, mavjud kamchiliklarni qisqa muddatlarda bartaraf etish hamda uy-joy fondini saqlash va undan samarali foydalanish yuzasidan mutasaddi tashkilotlar bilan hamkorlikni kuchaytirish zarurligi alohida ta’kidlandi.

O‘rganish yakunlari bo‘yicha aniqlangan muammolar yuzasidan tegishli tashkilotlarga deputatlik nazorati tartibida so‘rovlar yuborish, mavjud kamchiliklarni bosqichma-bosqich bartaraf etish hamda amalga oshirilayotgan ishlar ijrosini doimiy nazoratga olish belgilandi.

Mazkur o‘rganishlar hududlarda obodonlashtirish ishlarini jadallashtirish, aholining turmush sharoitlarini yaxshilash, ko‘p qavatli uy-joy fondidan samarali foydalanishni ta’minlash hamda boshqaruv kompaniyalari faoliyatining ochiqligi va samaradorligini oshirishga xizmat qilmoqda.