Milliy tiklanish demokratik partiyasi Sirdaryo viloyati kengashi vakillari hamda hamkor tashkilot vakillari Xalq deputatlari viloyat Kengashi kotibiyati media rejasiga muvofiq, "Milliy tiklanish" demokratik partiyasi dasturiy vazifalar ijrosini ta'minlash maqsadida Sirdaryo viloyat televideniyasining jonli efirda uzatilgan "Ochiq muloqot" ko‘rsatuvida ishtirok etishdi. 

Ko‘rsatuv mavzusi Yoshlarga bag'ishlanib, bu borada partiya vakillarining hamda deputatlarining amalga oshirilayotgan ishlari, loyihalari, yoshlarni milliy qadriyatlar ruhida tarbiyalash kabi masalalarga to‘xtalib o‘tildi. Bundan tashqari ko‘rsatuvda Ta‘lim sohasida bo‘layotgan o‘zgarishlar, o‘qituvchilik maqomi, Oliy ta'lim tizimi va qabul jarayonlari hamda bu tizimlardagi qonunchilik bazasi haqida ham fikrlar bildirildi.