"Маҳалла еттилиги" билан ҳамкорликни йўлга қўйиш тўғрисида

Бугун Мустақиллик маҳалла фуқаролар йиғинида халқ депутатлари туман Кенгаши депутати Эргашова Озода Хонтемировна ташаббуси ва масъул ташкилотлар ходимлари билан ҳамкорликда учрашув бўлиб ўтди. Мурожаат тушган 2 та нотинч оилалар чақирилиб келишмовчиликлар бартараф этилди. Томонларга тушунтириш ишлари олиб борилиб, яраштирилди. Учрашувда муаммо билан келган фуқароларнинг кўплаб муаммолари ечилди. Қолганлари депутатлик сўровлари орқали ташкилотларга юборилиб тез кунларда маълумоти етказилиши тўғрисида айтиб ўтилди. Халқ депутатлари туман Кенгашининг депутати Эргашова Озода Хонтемировна маҳаллада аҳоли вакиллари билан ўтказган учрашувда мамлакатимизда маҳалла тизимини такомиллаштириш бўйича амалга оширилаётган ислоҳотлар ва бунда кўзда тутилган мақсад ҳақида сўз юритиб, бугун жорий этилган маҳалла еттилиги қандай ишлаётгани, уларнинг олиб бораёган фаолиятларининг самаралари билан танишдилар.