Xalq deputatlari Qiziriq tumani Kengashi raisi J. Xudoyqulova tumandagi “Xalqobod” mahallasida bo‘lib, aholi tomorqalaridan foydalanish holati bilan joyida tanishdi.

O‘rganish jarayonida tomorqalarda ekin ekish, issiqxona tashkil etish, mavsumiy hosil yetishtirish hamda tomorqalardan daromad manbai sifatida foydalanish masalalari tahlil qilindi. Shuningdek, ayrim xonadonlarda tomorqadan to‘liq foydalanilmayotgani, sug‘orish, urug‘-ko‘chat yetishmovchiligi hamda maslahatga ehtiyoj borligi aniqlandi.

Deputat tomonidan tomorqalardan samarali foydalanishni yo‘lga qo‘yish, aholini zarur agrotexnik maslahatlar bilan ta’minlash, issiqxona tashkil etish bo‘yicha ko‘mak ko‘rsatish hamda bandlikni ta’minlashga qaratilgan chora-tadbirlarni kuchaytirish yuzasidan tegishli tashkilotlar bilan hamkorlik yo'lga qo'yilishi belgilandi.

Bu kabi o‘rganishlar aholining daromadini oshirish, tomorqalardan unumli foydalanishni yo‘lga qo‘yish hamda kambag‘allikni qisqartirishga xizmat qiladi.

Qiziriq tumani Kengashi Axborot xizmati 

Rasmiy sahifalarimiz👇

Telegram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)