Xalıq deputatları Qaraózek rayonlıq Keńesi sekretariatı tárepinen deputatlar qatnasında Keńes jumısların jetilistiriw hám saylaw okruglerinde social-ekonomikalıq rawajlandırıw baǵdarlamalar orınlanıwın qadaǵalaw baǵdarında ámelge asırılıwı tiyis wazıypalar boyınsha seminar ótkerildi. 

Seminarda Xalıq deputatları Qaraózek rayonlıq Keńesi sekretariat baslıǵı Q.Jaqsımuratov tárepinen jergilikli Keńeslerge jańa wákillikler hám usı tiykarda jańadan qabıl etilgen nızam hám qararlardıń mazmun, mánisi haqqında keń túrde maǵlıwmat berilip, deputatlar tárepinen ámelge asırılıwı tiyis wazıypalar belgilep alındı. 

Sonday-aq, deputatlardıń "máhálle jetiligi" menen ámelge asırılatuǵın áhmiyetli iskerlik baǵdarları keń talıqlanıp, Keńes iskerligi, jaslar másláhát toparı jumısların elede jetilistiriw boyınsha deputatlar tárepinen usınıs bildirildi. 

Ushırasıw pikir, usınıslar menen dawam etip aldaǵı isleniw tiyis wazıypalar belgilenip alındı.