Xalq deputatlari Quva tuman Kengashining navbatdagi o‘n sakkizinchi sessiyasi bo‘lib o‘tdi 

Xalq deputatlari
Quva tuman Kengashining navbatdagi o‘n sakkizinchi sessiyasi bo‘lib o‘tdi. Sessiya
ishida tuman hokimi va uning o‘rinbosarlari, huquqni muhofaza qilish organlari rahbarlari,
kun tartibiga kiritilgan masalalarga aloqador bo‘lim, tashkilot va idoralar rahbarlari,
shuningdek, ommaviy axborot vositalari vakillari ishtirok etdilar. 

Sessiya kun
tartibidan bir qator muhim masalalar o‘rin oldi. Jumladan, O‘zbekiston Respublikasi
Prezidentining 2023 yil 11 sentyabrdagi PF–158-son farmoni, 2024 yil 16 dekabrdagi
PQ–440-son, 2025 yil 1 apreldagi PQ–132-son qarorlari hamda O‘zbekiston Respublikasi
Oliy Majlisi Senatining 2025 yil 1 maydagi KQ–172-V-son qarorining Quva tumanidagi
ijrosi yuzasidan mas’ul rahbarlarning axborotlari tinglandi. 

Shuningdek,
2025 yil davomida tumanda kriminogen vaziyatni yaxshilash, jinoyatchilik holatlarini
barvaqt oldini olish, huquqbuzarliklarga qarshi kurashish hamda qonuniylikni ta’minlash
borasida amalga oshirilgan ishlar yuzasidan hisobotlar eshitildi. Mazkur yo‘nalishda
2026 yilda amalga oshirilishi lozim bo‘lgan ustuvor vazifalar ham belgilab olindi. 

Sessiyada, shu
bilan birga, tuman aholisi salomatligini muhofaza qilish, tibbiy xizmat sifatini
oshirish, sog‘liqni saqlash muassasalarining moddiy-texnik bazasini mustahkamlash
bo‘yicha 2025 yilda olib borilgan ishlar hamda 2026 yilga mo‘ljallangan vazifalar
to‘g‘risida tegishli mutasaddilarning axborotlari tinglandi. 

Muhokamalar
davomida deputatlar tomonidan mas’ul rahbarlarga mavjud muammolarni bartaraf etish,
belgilangan qaror va farmonlar ijrosini so‘zsiz ta’minlash, aholi bilan ishlash
tizimini yanada takomillashtirish bo‘yicha taklif va tavsiyalar bildirildi. 

Sessiya yakunida
kun tartibidagi masalalar yuzasidan tegishli qarorlar qabul qilinib, ularning ijrosini
ta’minlash bo‘yicha aniq vazifalar belgilab olindi.